Грузы «Беларуськалія» ў Клайпеду будуць пастаўляцца як мінімум да канца снежня
8 снежня канчаткова набылі моц ўведзеныя ў жніўні санкцыі ЗША супраць «Беларуськалія», але літоўская чыгунка (Lietuvos gelezinkeliai) яшчэ возіць груз калійных угнаенняў у Клайпедскі порт.
У снежні Літоўская чыгунка, якая знаходзіцца ў дзяржкіраванні, яшчэ будзе перавозіць праз Літву ў Клайпедскі порт грузы «Беларуськалія», які з'яўляецца адным з найбуйнейшых сусветных вытворцаў угнаенняў.
Кампанія грузавых перавозак LTG Cargo ў снежні павінна перавезці каля 1 млн тон угнаенняў. Гэта азначае, што, як і раней, праз тэрыторыю Літвы будуць рухацца па 6-9 саставаў у суткі, паведамляе Delfi.
Па дамове з Lietuvos gelezinkeliai беларуская кампанія ўжо разлічылася за правоз гэтых грузаў загадзя. Пра гэта было паведамлена 8 снежня, калі канчаткова набылі моц санкцыі ЗША ў дачыненні да «Беларуськалія».
Як гаворыцца ў паведамленні, ці будуць гэтыя паслугі прадастаўляцца беларускай кампаніі і далей, будзе залежаць ад рэжыму санкцый, рашэнняў дзяржаўных ведамстваў і пазіцыі банкаў у пытанні абслугоўвання яе грашовых пераводаў.
«У сувязі з сітуацыяй Lietuvos gelezinkeliai вядзе кансультацыі з ведамствамі ЕС і ЗША, сярод якіх Бюро кантролю за замежнымі актывамі Казначэйскага дэпартамента ЗША (OFAC).
У сярэднім LTG Cargo перавозіла больш за 10 млн тон грузаў «Беларуськалія» за год амаль за 60 млн еўра.
У мінулы чацвер у пашыраных спісах санкцый ЗША апынуўся і экспарцёр прадукцыі «Беларуськалія» — «Беларуская калійная кампанія». Здзелкі з ёй павінны быць завершаныя да 1 красавіка наступнага года.
Па словах кіраўніка Клапейдскага порта Альгіса Латакаса, гэта дазваляе кантраляванаму Ігарам Дубавіцкім і «Беларуськаліем» тэрміналу насыпных грузаў (Biriu kroviniu terminalas), які ў Клайпедскім порце грузіць угнаенні «Беларуськалія», працаваць да красавіка.
«Тэрмінал гатовы працаваць, бо яны могуць да 1 красавіка ажыццяўляць плацяжы ў далярах ЗША. Яны пакуль працуюць, і яны бачаць тут выхад», — сказаў BNS кіраўнік Клайпедскага порта.
Прэм'ер Інгрыда Шыманіце ў аўторак сказала, што ў сераду будзе больш інфармацыі па пытаннях, звязаных з санкцыямі ЗША. Міністр замежных спраў Літвы Габрыелюс Ландсбергіс заявіў, што рэалізацыя санкцый ЗША ў дачыненні да «Беларуськалія» залежыць ад прадпрыемстваў, аднак не выключыў і магчымасць умяшання ўрада.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары