Hruzy «Biełaruśkalija» ŭ Kłajpiedu buduć pastaŭlacca jak minimum da kanca śniežnia
8 śniežnia kančatkova nabyli moc ŭviedzienyja ŭ žniŭni sankcyi ZŠA suprać «Biełaruśkalija», ale litoŭskaja čyhunka (Lietuvos gelezinkeliai) jašče vozić hruz kalijnych uhnajeńniaŭ u Kłajpiedski port.
U śniežni Litoŭskaja čyhunka, jakaja znachodzicca ŭ dziaržkiravańni, jašče budzie pieravozić praź Litvu ŭ Kłajpiedski port hruzy «Biełaruśkalija», jaki źjaŭlajecca adnym z najbujniejšych suśvietnych vytvorcaŭ uhnajeńniaŭ.
Kampanija hruzavych pieravozak LTG Cargo ŭ śniežni pavinna pieravieźci kala 1 młn ton uhnajeńniaŭ. Heta aznačaje, što, jak i raniej, praz terytoryju Litvy buduć ruchacca pa 6-9 sastavaŭ u sutki, paviedamlaje Delfi.
Pa damovie z Lietuvos gelezinkeliai biełaruskaja kampanija ŭžo raźličyłasia za pravoz hetych hruzaŭ zahadzia. Pra heta było paviedamlena 8 śniežnia, kali kančatkova nabyli moc sankcyi ZŠA ŭ dačynieńni da «Biełaruśkalija».
Jak havorycca ŭ paviedamleńni, ci buduć hetyja pasłuhi pradastaŭlacca biełaruskaj kampanii i dalej, budzie zaležać ad režymu sankcyj, rašeńniaŭ dziaržaŭnych viedamstvaŭ i pazicyi bankaŭ u pytańni absłuhoŭvańnia jaje hrašovych pieravodaŭ.
«U suviazi ź situacyjaj Lietuvos gelezinkeliai viadzie kansultacyi ź viedamstvami ES i ZŠA, siarod jakich Biuro kantrolu za zamiežnymi aktyvami Kaznačejskaha departamienta ZŠA (OFAC).
U siarednim LTG Cargo pieravoziła bolš za 10 młn ton hruzaŭ «Biełaruśkalija» za hod amal za 60 młn jeŭra.
U minuły čaćvier u pašyranych śpisach sankcyj ZŠA apynuŭsia i eksparcior pradukcyi «Biełaruśkalija» — «Biełaruskaja kalijnaja kampanija». Ździełki ź joj pavinny być zavieršanyja da 1 krasavika nastupnaha hoda.
Pa słovach kiraŭnika Kłapiejdskaha porta Alhisa Łatakasa, heta dazvalaje kantralavanamu Iharam Dubavickim i «Biełaruśkalijem» terminału nasypnych hruzaŭ (Biriu kroviniu terminalas), jaki ŭ Kłajpiedskim porcie hruzić uhnajeńni «Biełaruśkalija», pracavać da krasavika.
«Terminał hatovy pracavać, bo jany mohuć da 1 krasavika ažyćciaŭlać płaciažy ŭ dalarach ZŠA. Jany pakul pracujuć, i jany bačać tut vychad», — skazaŭ BNS kiraŭnik Kłajpiedskaha porta.
Premjer Inhryda Šymanicie ŭ aŭtorak skazała, što ŭ sieradu budzie bolš infarmacyi pa pytańniach, źviazanych z sankcyjami ZŠA. Ministr zamiežnych spraŭ Litvy Habryjelus Łandśbierhis zajaviŭ, što realizacyja sankcyj ZŠA ŭ dačynieńni da «Biełaruśkalija» zaležyć ad pradpryjemstvaŭ, adnak nie vyklučyŭ i mahčymaść umiašańnia ŭrada.
-
Litoŭskija kansiervatary dabivajucca abmiežavańnia prava biełarusaŭ na nabyćcio nieruchomaści ŭ Litvie
-
Amierykanku, jakaja napisała dziciačuju knihu pra sum paśla śmierci muža, abvinavačvajuć u jaho zabojstvie dziela hrošaj
-
Rečyva, jakim zabili Navalnaha, sintezavaŭ centr «Sihnał». Jon ža ŭdzielničaŭ u atručeńni palityka ŭ 2020 hodzie
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady1
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary