Інтэрнэт і СМІ

Удзельнік аўтапрабегаў і муж праўладнай блогеркі. Што за новыя прапагандысты з'явіліся на БТ?

На БТ з’явіліся новыя вядучыя. Прапагандысты ад народа называюць украінцаў на Майдане каструлягаловымі і расказваюць, як бедна жывуць у Польшчы. Хто гэтыя людзі? Некаторых з гэтых тэлеперсанажаў вы маглі ўжо бачыць.

Фота: сацыяльныя сеткі

«У рэжыме праўды» — так назвалі праект, які запусцілі пад крылом таварыства «Веды», якое ўзначальвае Гігін. Спачатку наваспечаныя эксперты ездзілі з майстар-класамі па краіне. Яны гэта назвалі народнай адукацыйнай праграмай — нібыта разбуралі фэйкі. Але да «яркіх спікераў» (як заяўлена было ў афішах) скептычна ставяцца нават прыхільнікі Лукашэнкі. «Хто гэта?» — жартавалі з іх у сацсетках.

У канцы снежня спікеры з аднайменнай праграмай прыйшлі на БТ. Хто яны?

Прадпрымальнік Станіслаў Яскевіч — даўні сябра параалімпійца Аляксея Талая. 

Яскевічу 41 год. Ён быў пастаянным удзельнікам праўладных аўтапрабегаў. Ездзіў у першых шэрагах у машыне са сцягам. Расказваў, што падлеткі паказвалі ім непрыстойныя жэсты. А дагэтуль пікетаваў польскую амбасаду з плакатам «Спыніце інтэрвенцыю».

Фота: з асабістых сацсетак

«Усе памятаюць радасць ад сустрэчы ў сеціве роднай ЧЗ-аватаркі, шчырую ўсмешку ад сцяжка ці георгіеўскай стужкі на аўто», — настальгіраваў ён па падзеях 2020-га.

Як прадпрымальнік ён займаецца прасоўваннем тавараў.

«Я з дзяцінства быў актыўны і нешта прадпрымаў. Мне давялося расці фактычна самому: мама была сур’ёзна хворая, бацька мной не займаўся», — расказваў ён «СБ».

Пасля выбараў Яскевіч пазіцыянуе сябе блогерам. Летась удзельнічаў нават у трэнінгу Мінабароны «Гульні блогераў» — бегаў у бронікамізэльцы і ваеннай форме, гуляўся ў экстрэмальную журналістыку, захоплена здымаючы сябе на тэлефон.

Іншы наваспечаны вядоўца — бізнэсоўца Аляксандр Хоміч. У сацсетках ён хваліўся, што наведваў майстар-класы «Бізнэс маладосці» — гэтыя расійскія трэнінгі называюць звычайным разводам.

Фота: з асабістых сацсетак

Зрэшты, з улікам таго, што жыве ён у катэджы ў Лагойскім раёне і разам з сям’ёй ездзіць адпачываць на гарналыжныя курорты ў Сочы, нядрэнна зарабляць атрымліваецца.

Жонка бізнэсоўца — праўладная блогерка Юлія Хоміч, якая таксама цяпер вядучая БТ. Ёй 35, яна з Талачына, скончыла Акадэмію кіравання, юрыст па спецыяльнасці.

Раней працавала рыэлтарам, а пасля сышла ў дэкрэт. З мужам яна на працы і пазнаёмілася — ён купляў участак пад дом і пазваніў у агенцтва, дзе працавала Хоміч. Цяпер сям’я жыве на тым участку.

Фота: з асабістых сацсетак

Юлія ўдзельнічала ў конкурсе прыгажосці Top of the World у 2017 годзе, дзе стала першай віцэ-місіс. У інтэрв’ю яна часта падкрэслівае, што вусны ў яе свае.

Чым запомнілася Хоміч? На мітынгу ў падтрымку Лукашэнкі адразу пасля выбараў, яна гучна скандавала «За бацьку!». Пасля скардзілася, што ў салоне ёй адмовіліся рабіць манікюр праз яе палітычныя погляды. «Гэта сапраўдны фашызм», — абуралася яна.

Летась у студзені пасля хакейнага матча яна выбегла на лёд, каб пацалаваць Лукашэнку. А потым падчас «Вялікай размовы» актыўна абараняла яго ад нязручных пытанняў журналістаў BBC і CNN.

Фота: з асабістых сацсетак

Апошні «пасланнік праўды» ў гэтай чацвёрцы — блогер і музыка Цімур Прахін. «Наша Ніва» раней ужо пісала пра яго, але магчыма, вы не пазналі яго без вусаў.

Аўтар патрыятычна-маральных песень, займаецца спектаклямі для дзяцей. Прахін узначальваў лукашэнкаўскія шэсці. Расказваў, што мама яго ў палітычных поглядах падтрымлівае, а вось з жонкай праз гэта разышоўся.

Чытайце таксама:

З крыжам, сцягам і з вусамі. Расказваем, што за тройца ўзначальвае лукашэнкаўскія шэсці

Хто такая Ксенія Лебедзева, якая асвятляе жаночыя маршы для БТ

Каментары

Цяпер чытаюць

«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9

«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам

Усе навіны →
Усе навіны

Сірата з асаблівасцямі развіцця з Хойнікаў аказаўся на вайне супраць Украіны. Апякун кажа, што падманам4

Мільянер, які гадамі забіваў дзікіх жывёл, загінуў на паляванні: яго працяў рагамі буйвал17

У Рэчыцы гарэў прыватны сектар1

Макс Корж выступіць на стадыёне ў Варшаве. Некалькі вуліц перакрыюць і зменяць рух транспарту 9 жніўня9

Генплан Мінска будуць змяняць. Гараджане могуць агучыць прапановы7

Ціханоўская звярнулася да беларусаў з нагоды пятай гадавіны пратэстаў24

У Мінску ўзброеныя сілавікі затрымалі індывідуальнага прадпрымальніка1

«Байсол» выставіць на аўкцыён лімітаваную серыю гадзіннікаў6

ChatGPT прадставіў новую мадэль GPT-5. Вось што ў ёй новага і што абяцаюць распрацоўшчыкі2

больш чытаных навін
больш лайканых навін

«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9

«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам

Галоўнае
Усе навіны →

Заўвага:

 

 

 

 

Закрыць Паведаміць