Беларусам пачалі прыходзіць паведамленні ад тэлеграм-бота «Перамога». Што адбываецца?
Учора некалькі чытачоў «Нашай Нівы» паведамілі ў рэдакцыю, што ім прыйшлі мэсэджы ад бота плана «Перамога».
«Перамога» — сакрэтны план аўтарства аб'ядання сілавікоў ByPol. Як заявілі яго ініцыятары, людзі, што зарэгістраваліся ў плане, у нейкі момант праз яго атрымаюць «каманду да дзеянняў дзеля аднаўлення ў краіне дэмакратыі і законнасці».
У чым канкрэтна складаецца план «Плана «Перамога» і ці распрацаваны ён ужо, пакуль невядома. Яго аўтары абяцаюць «патрэбныя дзеянні ў патрэбны момант». Калі будзе гэты момант і што за дзеянні, інфармацыі таксама няма.
Падпалкоўнік Аляксандр Азараў патлумачыў «Нашай Ніве», што такую рассылку яны сапраўды рабілі.
«Мы выходзім на сувязь з тымі, з кім лічым важным пагаварыць асабіста. Гэтыя паведамленні атрымліваюць не ўсе людзі. Мы робім гэта з сапраўднага бота, але існуе і паралельная рассылка з ілжэ-ботаў «Перамога». Той, хто сумняецца, звычайна піша нам і перапытвае», — сказаў Азараў.
У студзені падпалкоўнік Аляксандр Азараў заяўляў «Нямецкай хвалі», што да плана «Перамога» «далучыліся больш за 200 тысяч беларусаў». Ідэю плана падтрымалі таксама некаторыя палітыкі, сярод якіх Святлана Ціханоўская і Зянон Пазняк.
Нагадаем, у лістападзе мінулага года Следчы камітэт завёў крымінальную справу па факце стварэння, кіраўніцтва і ўдзелу ў экстрэмісцкім фарміраванні «Мабілізацыйны план «Перамога».
Таксама следчыя заявілі, што экстрэмісцкая група ByPol будзе прыцягнутая да крымінальнай адказнасці за стварэнне гэтага экстрэмісцкага фармавання і ўдзел у ім (часткі 1-2 арт. 361-1 Крымінальнага кодэкса). Па першай частцы максімальнае пакаранне — да 7 год пазбаўлення волі, па другой — да 10.
Дадаткова СК заявіў, што шукае і збіраецца пакараць таксама тых, хто знаходзіўся ў чаце телеграм-канала плана. Гэта частка 3 арт. 361-1 КК. Максімальнае пакаранне па ёй — да 6 год пазбаўлення свабоды.
Улады Беларусі прызналі шэраг удзельнікаў аб'яднання сілавікоў «Байпол» датычнымі да тэрарыстычнай дзейнасці. У спіс тэрарыстаў Мінск уключыў таксама Святлану Ціханоўскую, Паўла Латушку, Антона Матольку і іншых.
Чытайце яшчэ:
КДБ уключыў Ціханоўскую і Латушку ў спіс асоб, датычных да тэрарыстычнай дзейнасці
-
Іранка адкрыла ў Мінску арт-кафэ. Там прадаюць рэчы ручной работы і падаюць капучына з шафранам
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары