«Прабачце ім, беларусы». Расіяне папрасілі прабачэння за растоўскую каманду КВЗ
Нядаўна ў расійскім КВЗ адна з каманд паказала Беларусь як сметніцу на пабягушках. У тыктоку ролік з інфармацыяй пра гэты выпадак не застаўся без увагі гледачоў, якія пакінулі за суткі амаль 1500 каментарыяў. Нехта пакрыўдзіўся, нехта сцвярджае, што так і ёсць. Расіяне спрабуюць апраўдацца.
Момант выступлення каманды «Флэш-Раяль». Тут і далей скрын відэа: 1tv.ru
Найбольш лайкаў (амаль 8800) сабрала пытанне «КВЗ нехта яшчэ глядзіць?» Людзі заўважаюць, што гульня — перажытак мінулага.
Адметна, што на другім месцы па колькасці лайкаў (звыш 4600) апынуўся каментар, які ўтрымлівае карцінку «Дарма вы пакрыўдзілі беларуса…»
«Неяк па-свінску»
На трэцім месцы апынулася заўвага: «Неяк па-свінску».
«Як расіянін скажу»
Некаторыя расійскія гледачы спрабуюць папрасіць прабачэння.
«Як расіянін скажу адно… Мы з павагай ставімся да Беларусі. Кожны раз, калі даведваюся, што перада мною беларус — стаўленне да чалавека становіцца рэзка станоўчым. А тое, што ў КВЗ адлюстравалі, гэта «гумар» адной з каманд. У кожнага свае погляды… Але яны не перадаюць настрой і меркаванне ўсёй краіны».
«Прабачце ім, беларусы, нават мне гэта зневажальна».
«Шмат разоў быў у Растове [менавіта адтуль каманда КВЗ, што прадставіла нумар — рэд.], у Краснадарскім краі, усюды паважаюць Беларусь, і паважаюць бацьку».
«Так па сутнасці і ёсць»
Аднак не ўсе з ім згодныя:
«Праўда не падабаецца людзям. Яно ж так, па сутнасці, і ёсць. РБ на гэты момант моцна залежыць ад РФ. І гэта заслуга вечнага Лукашэнкі, а санкцыі як вынік такой залежнасці ад РФ і немагчымасці сказаць ёй нешта супраць».
«Так, па сутнасці, і ёсць».
«І дзе яе зняважылі?».
«Ну так, а дзе ў нумары сказалі няпраўду?».
«Так усё правільна пра Беларусь паказалі».
«Правільна. Беларусь — гэта Расія».
«Па факту сказалі».
Ёсць і тыя, хто спрабуе патлумачыць сутнасць нумара і даказаць, што крыўдаваць няма на што:
«Сутнасць гэтага КВЗ была ў тым, што Расія супрацьстаяла заходнім краінам РАЗАМ з Беларуссю. Беларусь у той момант зайшла з вядром для смецця і сабрала санкцыі, паказаўшы тым самым, што РАСІІ і БЕЛАРУСІ ўсё роўна на гэтыя санкцыі».
«Як да нас прыязджаюць, так адразу браты»
Аднак беларусы ідуць у атаку. Больш за 2000 лайкаў сабрала заўвага:
«Расіяне, якія пішуць «правільна», вам не нагадаць, што вы з VPN сядзіце?».
Некаторыя дадаюць ілюстрацыі.
«Але як да нас прыязджаюць, дык адразу браты», — заўважае нехта.
«Як пачаць ненавідзець усю краіну за адзін жарт» — заўважае глядач. Праўда яму пярэчаць, што гэта не адзіны падобны жарт:
«А чаму ты вырашыў, што адзіны…»
«Дзіўна.. Мы ж браты і ўсё такое», — дзівіцца адзін з гледачоў.
«Якія яны мне браты», — заўважае другі яму ў адказ.
«КВЗ даўно ператварыўся ў сметніцу»
Некаторыя заўважаюць, што гэты жарт — чарговы доказ таго, наколькі для нізкіх густаў стала гульня:
«Я беларуска, і мне па барабане што там было на КВЗ, я яго ўжо даўно не гляджу. Ён даўно ўжо ніжэй за плінтус і хіба што сябе яны могуць абразіць».
Многія выказваюць падобнае меркаванне:
«КВЗ даўно ператварыўся ў сметніцу. Я лепш «Ералаш» пагляжу».
«Ганьба. Такі тупы гумар і спробы жартаваць».
«Наўрад ці калі ў КВЗ норм гумар быў».
«А мне прыемна»
«А мне гэта прыемна пачуць, таму што — ВОСЬ ЯНО — САПРАЎДНАЕ СТАЎЛЕННЕ «рюськіх братоў» да ўсех іншых людзей! Дзякуй вялікі вам, даражэнькія!» — заўважае яшчэ адзін глядач.
— Слышали, Лукашенко въезд в Эстонию закрыли до конца жизни? — Слышали. — Как думаете, сколько Эстонии жить осталось?..
Шутка из той же игры команды «Близкие» из Белгородской области
Ёсік
10.11.2025
Стаўленьне да іншых? Дык ёсьць у інтэрнэце малюнак: расея, дзе напісана МЫ, а вакол астатнія - бульбашы, хахлы, чуркі, пендосы, макароньнікі, лабусы ды іншыя. Нажаль, гэтае га.но ад самой улады йдзе, а нашыя, нават, не спрабуюць бараніцца. Тая ж дрянічная, калі нешта й хочаце паказаць беларускае, дык хоць па-беларуску пішыце, кажыце.
кісё
10.11.2025
Ёсік, назва той румачнай напісана як раз такі з беларускай "і" - "Дранічная". але няма такога слова ў беларускай
Цяпер чытаюць
«Ніхто не вярнуўся». Як вырашылі пытанне з работнікамі з Узбекістана, незадаволенымі ўмовамі ў Беларусі1010
Былы міністр культуры Руслан Чарнецкі знайшоў сабе падпрацоўку9
Каментары
— Слышали.
— Как думаете, сколько Эстонии жить осталось?..
Шутка из той же игры команды «Близкие» из Белгородской области