Хочаце знайсці ў інтэрнэце сваё каханне? Асцярожна, кібермахляры прыдумалі новую схему
Падчас пандэміі вырасла колькасць рамантычных афер у інтэрнэце, звязаных з імітацыяй закаханасці ў чалавека, каб заваяваць яго давер. Паралельна з гэтым выраслі і цэны на крыптавалюту. Усё гэта зрабіла крыпту добрым інструментам для кібермахляроў.
Амерыканскія праваахоўныя структуры паведамляюць пра рост рамантычных анлайн-афер, звязаных з кібермахлярствам. Эксперты лічаць, што гэты тып махлярства нарадзіўся ў Кітаі, а пазней перабраўся ў ЗША і Еўропу. Яго кітайскай назва перакладаецца літаральна як «забой парася» — бо перад тым, як пазбавіць ахвяру грошай, яе «выкормліваюць» рамантыкай, піша New York Times.
Тыповыя ахвяры — маладыя адукаваныя жанчыны, якія карыстаюцца мабільнымі дадаткамі для знаёмстваў, напрыклад, праграмамі Tinder, Bumble і Hinge. Звычайна махляры знаходзяць ахвяру праз дадаткі, а потым спрабуюць перавесці камунікацыю ў WhatsApp. Паведамленні ў гэтым месенджары зашыфраваныя, таму іх больш цяжка адсачыць.
Пасля гэтага махляр закідвае ахвяру какетлівымі паведамленнямі, а потым пераводзіць размову на тэму крыптавалюты. Ён прадстаўляецца паспяховым экспертам па крыпце і прапануе паказаць ахвяры, як інвеставаць яе грошы, каб атрымаць добры прыбытак з малой рызыкай.
Потым махляр дапамагае ахвяры купіць крыптавалюту на легальным сайце і тлумачыць, як перавесці яе на фальшывы крыптаабменнік. Грошы ахвяры з’яўляюцца на тым рэсурсе, і яна пачынае «ўкладваць» іх у розныя крыптавалютныя актывы пад кіраўніцтвам махляра, пакуль ён нарэшце не збягае з чужымі грошамі.
Адметная рыса гэтага тыпу махлярства — тое, наколькі яно складанае. Некаторыя ахвяры расказвалі пра тое, што фальшывыя абменнікі выглядалі вельмі рэалістычна, там былі графікі з цэнамі на розныя крыптаактывы. Назвы і адрасы такіх абменнікаў часта змяняюць, і бывае, што ахвярам дазволена спачатку здымаць малыя сумы грошай, каб пазней ім было лягчэй рызыкаваць вялікімі сумамі.
Як кантраляваць, куды дзеці лазяць у Інтэрнэце. І якімі хітрасцямі дзеці абыходзяць кантроль
Саромеецеся свайго мінулага? Тлумачым, як выдаляць старыя допісы ў Instagram, Facebook і Twitter
Цяпер чытаюць
У Тайландзе знікла анліфаншчыца з Пінска. Яе маглі прадаць у М'янму3
Каментары