«Гэта сюррэалізм». Дарʼя Данілава, асуджаная па справе TUT.by, зʼехала з Беларусі і распавяла пра сябе
Дарʼя Данілава, менеджар TAM.BY, дырэктар RocketData, зʼехала з Беларусі ў Батумі. Пра гэта яна распавяла ў Facebook.
«Самае трапнае слова для ўсяго таго, што адбылося са мной — гэта сюррэалізм, але галоўнае, што я на волі, бадзёрая, здаровая, поўная энергіі і жадання жыць сваё цудоўнае і ўжо сапраўды не сумнае жыццё далей. Як той казаў, будзе што расказаць унукам», — напісала Дар’я.
Цяпер яна ў Батумі.
«Я прыляцела ў Батумі, і нарэшце праз год абняла каханага мужа і брата, а ўвогуле, нас тут цэлая банда, і хутка стане яшчэ больш. Планую тут правесці лета. Пакуль узяла адпачынак, і месяц-два буду адпачываць і аднаўляцца. Далей пакуль дакладнага плана няма, але сапраўды буду ў нейкай форме працягваць развіваць Rocketdata, планую злятаць у «тур» па сябрах, якія цяпер раскіданыя па ўсім свеце, і з усімі паабдымацца», — напісала яна.
У сваім пасце Дарʼя Данілава падзякавала ўсім, хто пісаў ёй лісты і падтрымліваў, і адзначыла, што за час, праведзены ў СІЗА, яна прачытала каля 50 кніг, да якіх не даходзілі рукі, схуднела на 10 кілаграмаў і стала ўладальніцай ідэальнага прэса.
«Вяртаюся паступова да нармальнага жыцця пасля самага трэшовага года ў сваёй гісторыі», — напісала яна.
Апошні год Дарʼя правяла ў СІЗА КДБ, а потым у СІЗА на Валадарскага па абвінавачванні ў дапамозе ва ўхіленні ад выплаты падаткаў па справе TUT.BY. Праз 10 месяцаў гэтае абвінавачванне з яе знялі, але прад'явілі «народны» артыкул 342 за ўдзел у несанкцыянаваных масавых мерапрыемствах пасля выбараў 2020 года. Па гэтым артыкуле асудзілі, і 25 красавіка яна выйшла з залы суда, атрымаўшы прысуд 1 год і 4 месяцы калоніі.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары