Netflix запускае рэаліці-шоу «Гульня ў кальмара» з самым вялікім у гісторыі прызавым фондам
Netflix набірае ахвотных з усяго свету для ўдзелу ў тэлевізійным рэаліці-шоу, заснаваным на іх самым паспяховым серыяле «Гульня ў кальмара» (Squid Game).
Новае шоу будзе называцца «Гульня ў кальмара: выклік». У ім возьмуць удзел 456 чалавек, а на коне, вядома, будзе ўжо не жыццё або смерць, як у паўднёвакарэйскай драме, піша «Бі-бі-сі».
Пераможца атрымае 4,56 млн даляраў — гэта самы буйны прыз у гісторыі тэлевізійных шоу. Тым, хто прайграе, застануцца прыемныя ўспаміны пра ўдзел у праекце.
Netflix таксама пацвердзіў, што запускае другі сезон папулярнага серыяла.
Умовы ўдзелу
Гульня будзе складацца з 10 эпізодаў.
«Гульцы будуць спаборнічаць у цэлай серыі спаборніцтваў, навеяных арыгінальным серыялам, з нечаканымі дапаўненнямі. Іх стратэгіі, альянсы і асоба кожнага будуць падвергнутыя выпрабаванням на трываласць па меры таго, як вакол будуць устараняцца канкурэнты», — адзначаюць арганізатары шоу.
Для ўдзельнікаў усталяваны ўзроставы парог — не меней за 21 год, таксама ўсе яны павінны гаварыць па-англійску. Здымкі пройдуць на пачатку 2023 года і працягнуцца каля чатырох тыдняў.
456 удзельнікаў — гэта адсылка да арыгінальнага серыяла, у якім была такая ж колькасць гульцоў, прычым апошні нумар быў замацаваны за галоўным героем.
Netflix афіцыйна праанансаваў другі сезон серыяла «Гульня ў кальмара». Хто з герояў вяртаецца?
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1111
Каментары