Беларусь падтрымлівала і будзе падтрымліваць Расію. Пра гэта Лукашэнка заявіў на цырымоніі ўскладання вянкоў на мемарыяльным комплексе «Курган Славы».
«Нас сёння папракаюць, што мы адзіная краіна ў свеце, якая падтрымлівае Расію ў яе барацьбе супраць нацызму. Мы падтрымлівалі і будзем падтрымліваць Расію», — падкрэсліў Лукашэнка.
«Барацьбой супраць нацызму» Лукашэнка называе тут спробу Расіі захапіць суверэнную Украіну.
«І што яны не ведалі, што ў нас створаная ўжо даўно ў саюзе Беларусі і Расіі адзіная групоўка ўзброеных сіл, фактычна адзінае войска. Вы ж гэта ведалі. Дык чаму нас сёння папракаеце? Мы былі і будзем з брацкай Расіяй.
Наш удзел у гэтай спецаперацыі (вайне, — НН) мною вызначаны даўно. У першы дзень пачатку гэтай аперацыі. Калі я сказаў, успомніце: «Мы нікому не дазволім страляць у спіну рускаму чалавеку».
І мы занялі абарону ад Брэсцкай крэпасці па паўднёвай мяжы, каб не дапусціць гэтага ўдару ў спіну з боку натаўскіх войскаў. Яны гэтага нам дараваць не могуць», — заявіў Лукашэнка.
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам5
Каментары