Учора стала вядома, што рашэннем камандавання воінскай часткі УСУ камандзір батальёна «Тэрор» з пазыўным «Вараг» быў звольнены. Таксама байцы, якія не пагадзіліся з гэтым рашэннем, былі адасоблены ад Палка з захаваннем за сабой назвы падраздзялення «Тэрор». Пра прычыны звальнення байца «Нашай Ніве» расказалі ў прэс-службе Палка.
«Баец з пазыўным «Вараг» (Алег Васільеў — НН) быў звольнены з Узброеных сіл Украіны з-за дысцыплінарных парушэнняў. Частка ваяроў батальёна «Тэрор» вырашыла застацца з ім — яны былі нязгодныя, што яго звольнілі з-за гэтых парушэнняў.
Канкрэтнае парушэнне з яго боку — прымяненне гвалту ў дачыненні да байцоў з-за асабістых непаразуменняў.
Рашэнне аб яго звальненні прымала тая частка кіраўніцтва УСУ, якой наш Полк падпарадкоўваецца. Полк таксама не падтрымлівае такіх паводзін», — адказалі ў прэс-службе.
Звольнены «Вараг» быў адным з галоўных дзейных асобаў у нядаўнім канфлікце з удзелам таксама ўжо былога байца Палка Паўла Кулажанкі — менавіта «Вараг» яго «вучыў».
Чытайце таксама:
У Вазнясенску Мікалаеўскай вобласці ракета трапіла ў жылы пяціпавярховы дом
«Расія ўзначальвае працэс вываду з дэградацыі». Расійская Ярмошына прыйшла да Пуціна з брошкай у выглядзе літары Z ФОТАФАКТ
На Хрышчаціку будзе парад расійскай вайсковай тэхнікі. Але ёсць нюанс
-
«Я еду натхніцца ўкраінцамі». Святлана Ціханоўская пачала афіцыйны візіт ва Украіну
-
«Думалі, бандыты, аказалася — паліцыя». Удзельнікі перастрэлкі ў Польшчы расказалі сваю версію, але пытанняў менш не стала
-
З-за школьнай парты — у намёт на 15 чалавек. Як старшакласнікаў будуць прымусова рыхтаваць да службы
Каментары