Пазногці могуць быць прыкметай грознай хваробы. Як гэта заўважыць?
Выгляд нашых пазногцяў можа многае расказаць аб стане нашага здароўя. Калі мы пачынаем хварэць, ногцевая пласціна мяняе колер, форму і нават тэкстуру. Гэтыя сігналы нельга ігнараваць.
Калі вы заўважылі, што пласціна мяняе колер або форму, вам варта звярнуцца да спецыяліста. Адным з трывожных сімптомаў з'яўляюцца так званыя «пазногці Тэры», якія сведчаць пра змены ў арганізме. Як іх адрозніць?
Што такое пазногці Тэры? Вы можаце адрозніць іх па гэтых прыкметах
Пазногці Тэры — гэта тэрмін 1954 года. Яны названыя ў гонар брытанскага лекара, які ўпершыню апісаў іх. Тэры заўважыў, што ў 82-х са ста хворых на цыроз пазногці мелі спецыфічны выгляд. Якія іх характарыстыкі?
Пазногці Тэры маюць светлы, час ад часу нават малочна-белы колер амаль па ўсёй даўжыні за выключэннем адной палоскі шырынёй ад 0.5 да 3 мм, напрыканцы пазногця.
Добрая навіна ў тым, што пазногці не патрабуюць лячэння. Змяненне колеру знікае пры лячэнні спадарожнага захворвання.
Калі белая частка толькі трохі выступае за межы кутыкулы, то прычынаў для турботы няма. Але калі яна расце і пакрывае ўсё большую плошчу пласціны, гэта можа быць сімптомам сістэмных захворванняў.
На што яны могуць паказваць?
Хоць у некаторых выпадках такія пазногці могуць быць проста прыкметай старэння арганізма, часта яны з'яўляюцца сімптомам наяўнасці небяспечнага захворвання. Даследаванні пацвярджаюць іх сувязь з:
- цырозам печані,
- застойнай сардэчнай недастатковасцю,
- дыябетам 2 тыпу,
- захворваннямі перыферычных сасудаў,
- нырачнай недастатковасцю,
- імунадэфіцытам,
- вірусным гепатытам.
Калі вы заўважылі ў сябе такія пазногці, то самы час звярнуцца да лекара!
Чытайце яшчэ:
Торгаецца павека? Тлумачым, што значыць гэты сімптом
Ці можна выпіваць, калі вы прышчапіліся ад кавіду?
«На пусты страўнік» — гэта калі? Колькі часу ежа праводзіць у нас у страўніку?
-
Жонка дырэктара ЕРАМ, грошы на змаганне з анкалогіяй для якой збіралі ўсім светам, увайшла ў рэмісію
-
У адным з рэгіёнаў Беларусі ўспышка небяспечнага віруса — як абараніцца
-
26‑гадовая цяжарная ў Дзяржынску памерла праз беларускі антыбіётык, які раней ужо забаранялі — бо ад яго загінула некалькі жанчын
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары
да гэтага штоле? - "По словам Лукашенко, «если вдруг» он не будет президентом — начнет лечить людей."
все ж врачи, кроме него, или сидят, или уехали вроде