На мяжы Расіі з Беларуссю — праверкі і заторы, шукаюць мабілізаваных
Кіроўцы паведамляюць аб праверках і заторах на мяжы Расіі з Беларуссю. Расійскія ўлады папярэдзілі, што расіян, якія атрымалі позвы ў рамках частковай мабілізацыі, з краіны не выпусцяць, піша Autonews.ru.
Як паведамляюць кіроўцы, на трасах, якія вядуць у Беларусь, на тэрыторыі Расіі ўжо паставілі вайсковыя пасты і ўсіх, хто спрабуе выехаць, правяраюць. Па словах відавочцаў, з-за праверак збіраецца затор.
«Стандартны маршрут, праз Смаленск на Мінск. Яшчэ да мяжы зразумеў, што машын у гэтым кірунку рухаецца вельмі шмат. У выніку затор, дзеці равуць, жонка нервуецца», — падзяліўся адзін з кіроўцаў.
На гарачай лініі па пытаннях мабілізацыі, якую адкрыў расійскі ўрад, паведамілі, што грамадзянам з позвай на руках выезд з Расіі будзе забаронены. Усім астатнім ваеннаабавязаным расіянам перад падарожжам рэкамендавалі спачатку звярнуцца ў ваенкамат па месцы жыхарства.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары