Штучны інтэлект навучыўся па сятчатцы прадказваць рызыку сардэчных захворванняў за хвіліну
Сканаванне вачэй можа істотна палегчыць скрынінг сардэчна-сасудзістых захворванняў.
Праграмнае забеспячэнне, распрацаванае з дапамогай машыннага навучання, можа быць выкарыстана для прагназавання рызыкі сардэчных захворванняў менш чым за хвіліну шляхам аналізу вен і артэрый у вачах, распавядае The Verge.
Новае даследаванне адкрывае шлях для развіцця хуткіх і танных сардэчна-сасудзістых скрынінгаў, калі вынікі будуць пацверджаны ў будучых клінічных выпрабаваннях. Гэтыя агляды дазволілі б людзям даведацца пра рызыку інсульту і сэрцавых спохватаў без неабходнасці аналізаў крыві ці нават вымярэння артэрыяльнага ціску.
Праграмнае забеспячэнне працуе, аналізуючы сетку крывяносных сасудаў у сятчатцы вока. Яно вымярае агульную плошчу, пакрытую гэтымі артэрыямі і венамі, а таксама іх шырыню і «звілістасць» (наколькі яны выгнутыя). На ўсе гэтыя фактары ўплывае здароўе сэрца чалавека, што дазваляе праграмнаму забеспячэнню рабіць прагнозы аб рызыцы сардэчных захворванняў, проста гледзячы на здымак яго вока.
Даследаванні паказваюць, што штучны інтэлект можа выяўляць цэлы шэраг захворванняў, ад дыябету да хваробы Альцгеймера.
Прылады дыягнаставання знаходзяцца на розных стадыях распрацоўкі, але пакуль застаюцца пытанні наконт надзейнасці і ўніверсальнасці іх дыягностыкі.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары