З’явіліся фоты прафсаюзных лідараў з суда. Іх вінавацяць у апладысментах на вуліцы
Суд над старшынёй Беларускага кангрэса дэмакратычных прафсаюзаў Аляксандрам Ярашуком, яго намеснікам Сяргеем Антусевічам і супрацоўніцай офіса БКДП Ірынай Бут-Гусаім пачаўся сёння ў Мінскім гарадскім судзе.
Усе абвінавачаныя па справе БКДП цалкам прызналі віну, піша БелТА.
Паведамляецца, што яны абвінавачваюцца, у прыватнасці, «у актыўным удзеле ў групавых дзеяннях, якія груба парушаюць грамадскі парадак, спалучаных з відавочным непадпарадкаваннем законным патрабаванням прадстаўнікоў улады — супрацоўнікаў МУС, што пацягнула парушэнне працы транспарту і прадпрыемстваў».
Прафсаюзныя актывісты абвінавачваюцца па ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх), а Аляксандр Ярашук і па ч. 3 арт. 361 (заклікі да мераў абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы).
БКДП аб'ядноўваў Свабодны прафсаюз Беларусі, Свабодны прафсаюз металістаў, Беларускі прафсаюз работнікаў радыёэлектроннай прамысловасці і Беларускі незалежны прафсаюз.
25 лістапада пачаўся судовы працэс над актывістамі беларускіх незалежных прафсаюзаў — палітвязнямі Генадзем Фядынічам, Васілём Берасневым і Вацлавам Арэшкам.
Іх абвінавачваюць у закліках да мер абмежавальнага характару, накіраваных на прычыненне шкоды нацыянальнай бяспецы Рэспублікі Беларусь (ч. 3 арт. 361 Крымінальнага кодэкса), распальванні іншай сацыяльнай варожасці (ч. 3 арт. 130), стварэнні экстрэмісцкага фарміравання альбо ўдзеле ў ім (ч. 1 і ч. 3 арт. 361-1 Крымінальнага кодэкса).
Лідараў прафсаюзаў затрымалі ў сярэдзіне красавіка. Тады былі затрыманыя 15 чалавек.
Цяпер чытаюць
«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1
Каментары