У Мінску 9 студзеня захоўваюцца складаныя ўмовы надвор'я: галалёд і ападкі ў выглядзе дажджу з мокрым снегам.
У барацьбе з наледдзю задзейнічана больш за 1 600 работнікаў ЖКГ, паведамляюць Мінск-Навіны.
Спецыялісты ЖКГ рэкамендуюць у непагадзь па магчымасці заставацца дома.
У выпадку неабходнасці для выхаду на вуліцу лепш апранаць абутак на суцэльнай рэльефнай падэшве. Пры перамяшчэнні па вуліцы трэба рухацца асцярожна, наступаючы на ўсю падэшву, а пажылым і асобам з праблемамі апорна-рухальнага апарату лепш выкарыстоўваць кій з гумовым наканечнікам або палку з завостранымі шыпамі. Па магчымасці варта выбіраць бяспечны маршрут па пасыпаных пяском дарожках і трымацца за поручні.
Падчас падзення трэба старацца прыціснуць рукі да тулава і ўпасці на бок, папрасіць мінакоў дапамагчы ўстаць і падымацца, не спяшаючыся, пераканаўшыся, што няма траўмаў. Пры ўзнікненні болю лепш не рухацца і выклікаць медыкаў па тэлефоне 103.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары