Змены ў парадку куплі-продажу ўжываных аўтамабіляў прадугледжаныя абноўленым указам Лукашэнкі № 504 «Аб мерах па ўпарадкаванні здзелак па адчужэнні транспартных сродкаў». Указ падпісаны яшчэ ў ліпені мінулага года, але ўступае ў дзеянне толькі з 22 студзеня 2023 года.
Цяпер купіць ужываны аўтамабіль можна толькі па пісьмовай дамове — раней хапала і рахунка-даведкі. Але калі рахунак-даведка аформленая да 22 студзеня, то па ёй аўтамабіль зарэгістраваць яшчэ будзе можна.
Да пераліку тых, хто можа рэгістраваць дамовы, далучаныя натарыусы, раней гэта дазвалялася толькі ДАІ, а калі гаворка ішла пра сельгастэхніку — то і Мінсельгасхарчу.
Плаціць за аўтамабілі юрыдычныя асобы і ІП могуць толькі праз безнаяўны разлік, а разлік наяўнымі дапускаецца толькі тады, калі прадавец і купец — фізічныя асобы.
Права ўласнасці на аўтамабіль пераходзіць да пакупніка з моманту дзяржрэгістрацыі або натарыяльнага засведчання дагавора. Калі фізічная асоба купляе ў ІП ці юрасобы, то пакупнік становіцца ўласнікам з моманту фізічнай перадачы яму машыны.
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе7
Каментары