Źmieny ŭ paradku kupli-prodažu ŭžyvanych aŭtamabilaŭ praduhledžanyja abnoŭlenym ukazam Łukašenki № 504 «Ab mierach pa ŭparadkavańni ździełak pa adčužeńni transpartnych srodkaŭ». Ukaz padpisany jašče ŭ lipieni minułaha hoda, ale ŭstupaje ŭ dziejańnie tolki z 22 studzienia 2023 hoda.
Ciapier kupić užyvany aŭtamabil možna tolki pa piśmovaj damovie — raniej chapała i rachunka-daviedki. Ale kali rachunak-daviedka aformlenaja da 22 studzienia, to pa joj aŭtamabil zarehistravać jašče budzie možna.
Da pieraliku tych, chto moža rehistravać damovy, dałučanyja nataryusy, raniej heta dazvalałasia tolki DAI, a kali havorka išła pra sielhastechniku — to i Minsielhascharču.
Płacić za aŭtamabili jurydyčnyja asoby i IP mohuć tolki praź bieznajaŭny raźlik, a raźlik najaŭnymi dapuskajecca tolki tady, kali pradaviec i kupiec — fizičnyja asoby.
Prava ŭłasnaści na aŭtamabil pierachodzić da pakupnika z momantu dziaržrehistracyi abo nataryjalnaha zaśviedčańnia dahavora. Kali fizičnaja asoba kuplaje ŭ IP ci jurasoby, to pakupnik stanovicca ŭłaśnikam z momantu fizičnaj pieradačy jamu mašyny.
Kamientary