У Беларусі маюць намер прыцягнуць да адказнасці ўсіх, хто супраць Лукашэнкі
У Беларусі маюць намер прыцягнуць да адказнасці ўсіх, хто мае дачыненне да «экстрэмісцкай дзейнасці», заявіў генпракурор Андрэй Швед.
Генеральны пракурор Беларусі Андрэй Швед выступіў на сумесным пасяджэнні ніжняй і верхняй палаты Нацыянальнага сходу. Ён паведаміў, што колькасць «экстрэмісцкіх» злачынстваў у 2022 годзе знізілася і працягвае змяншацца.
У той жа час генеральны пракурор заявіў, што ў Беларусі маюць намер прыцягнуць да адказнасці ўсіх, хто мае дачыненне да «экстрэмісцкай дзейнасці».
Гэты эўфемізм лукашэнкаўцы выкарыстоўваюць для тых, хто выступае супраць дыктатуры Аляксандра Лукашэнкі. З 2020 года любую крытыку ўладаў, любы публічны пратэст, а з 2022 года, пасля нападу Расіі на Украіну з тэрыторыі Беларусі нават антываенныя выказванні рэпрэсіўныя органы інтэрпрэтуюць як «экстрэмізм».
«Праваахоўныя органы накіраваныя на забеспячэнне няўхільнай адказнасці арганізатараў, каардынатараў і ўдзельнікаў экстрэмісцкай дзейнасці», — сказаў Швед.
З 2020 года ў Беларусі адбылося каля 50 тысяч палітычна матываваных затрыманняў. Заведзена каля 12 тысяч палітычна матываваных крымінальных спраў, па якіх праходзяць дзясяткі тысяч людзей. Вялікая колькасць людзей вымушаная была пакінуць краіну, ратуючыся ад рэпрэсій.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары