Грамадства77

«Гаюн»: На аэрадроме Мачулішчы мог быць пашкоджаны мегакаштоўны расійскі самалёт А-50. З чата Мачулішчаў выдалілі ўсе паведамленні

Сёння з раніцы каля аэрадрома «Мачулішчы» назіраецца актыўнасць сілавікоў. Мясцовыя кажуць, што чулі два моцныя гукі каля 8:00—9:30 раніцы. Вось што вядома на гэты момант.

Скрыншот чата Мачулішчаў. Крыніца: тэлеграм-канал «Мотолько Помогі»

Новыя дэталі здарэння паведамляе тэлеграм-канал «Мотолько Помогі».

Сёння ў другой палове дня цалкам вычысцілі чат гарадскога пасёлка Мачулішчы — выдаленыя абсалютна ўсе паведамленні пра гукі выбухаў ноччу і раніцай, сілавікоў са зброяй і ў бронекамізэльках, пасты ДАІ, якія раптам з'явіліся, праверку аўто і дакументаў кіроўцаў, а таксама пра машыны ўнутраных войскаў.

Колькасць гэтых паведамленняў у чаце пацвярджае, што на аэрадроме сапраўды нешта адбылося.

Па словах жыхароў, у гэты момант паведамленні пра здарэнне працягваюць выдаляцца.

Матолька піша, што праверка аўтамабіляў працягваецца, машыны правяраюць ужо выбарачна, глядзяць правы кіроўцы, багажнікі, у некаторых выпадках і мабільныя тэлефоны.

ДАІ стаіць як мінімум на выездзе з Гатава, каля паваротаў на Цэсіна, Плябанцы і Дзергаі.

Ёсць даныя, што па кватэрах пачаў хадзіць АМАП у поўным абмундзіраванні. Па словах людзей, «ходзіць па сваіх бэчэбэ-спісах, шукаюць хто нешта зрабіў».

Акрамя таго, наваколле Мачулішчаў на працягу 1,5 гадзіны патруляваў верталёт.

Раней ByPol паведаміў, што па інфармацыі, атрыманай ад удзельнікаў плана «Перамога», у выніку выбухаў на аэрадроме «Мачулішчы» пашкоджаныя расійскі вайскова-транспартны самалёт і снегаўборачная тэхніка.

Паводле папярэдніх звестак, цэллю атакі быў самалёт ДРЛА А-50 ПКС РФ, які мог атрымаць некаторыя пашкоджанні, піша «Беларускі Гаюн».

Сярод іншага, гаворка можа ісці пра пашкоджанне борта шляхам скіду з вышыні неўстаноўленага прадмета.

Расійскі самалёт дальняй разведкі А-50. Фота: Wikimedia Commons

«Гаюн» дадае, што сёння ў 18:33 на аэрадром «Мачулішчы» з РФ прыляцеў ваенна-транспартны самалёт Іл-76 ПКС РФ з рэгістрацыйным нумарам RF-86843.

Гэты борт раней ужо быў заўважаны ў Беларусі ў лютым 2022 года, калі прылятаў на аэрадромы ў Баранавічы і Мачулішчы.

А-50 — гэта вельмі каштоўны самалёт, ён ажыццяўляе дальнюю разведку. Усяго, спраўных і няспраўных, такіх самалётаў у Расіі дзевяць.

Калі вы ведаеце больш пра тое, што здарылася на аэрадроме Мачулішчы, які выкарыстоўваюць расійскія войскі, пішыце рэдактару «Нашай Нівы» ў тэлеграм, на [email protected] ці [email protected].

Альбо пішыце асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).

Каля аэрадрома «Мачулішчы» назіраецца актыўнасць сілавікоў

Каментары7

  • Тадзiк
    26.02.2023
    Земля пад оркамi будзе гарэць паусюль. Жыве Беларусь! Слава Украiне!
  • Bhagawan
    26.02.2023
    Na aeradromie ŭ Mačuliščach ničoha nie adbyłosia, razychdźciesia, niama tut na što hladzieć!
  • 3214
    26.02.2023
    Какая хорошая новость. Чем меньше рашистских самолетов и техники на нашей земле - тем лучше!

Цяпер чытаюць

Ці пагражае Крыму блакада праз паралізаваны Крымскі мост?2

Ці пагражае Крыму блакада праз паралізаваны Крымскі мост?

Усе навіны →
Усе навіны

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

больш чытаных навін
больш лайканых навін

Ці пагражае Крыму блакада праз паралізаваны Крымскі мост?2

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць