Дзяржабвінаваўца запрасіў для Святланы Ціханоўскай і Паўла Латушкі па 19 гадоў калоніі завочна

Дзяржабвінавачванне па справе падтрымлівае пракурор Міхаіл Кавалёў. Для Паўла Латушкі і Святланы Ціханоўскай ён запрасіў па 19 гадоў зняволення.

Для Вольгі Кавальковай, Сяргея Дылеўскага і Марыі Мароз пракурор запрасіў па 12 гадоў калоніі.

Пракурор лічыць неабходным таксама прызначыць Ціханоўскай штраф у памеры 37 тысяч рублёў, а Латушку — забарону права займаць пасады на тэрмін 5 гадоў. 

Ціханоўская, Кавалькова і Мароз павінны адбываць тэрмін у калоніі агульнага рэжыму, Латушка і Дылеўскі — узмоцненага рэжыму.

Нагадаем, што ўсе абвінавачваныя па крымінальнай справе знаходзяцца за мяжой.

Святлане Ціханоўскай інкрымінуецца дзесяць артыкулаў Крымінальнага кодэкса:

— ч. 1 арт. 13 і ч. 1 арт. 292 (падрыхтоўка да захопу і ўтрымання будынкаў і збудаванняў);

— ч. 1 арт. 13 і ч. 2 арт. 293 (падрыхтоўка да ўдзелу ў масавых беспарадках);

— ч. 1 арт. 357 (змова з мэтай захопу дзяржаўнай улады неканстытуцыйным шляхам);

— чч. 1 і 2 арт. 361-1 (стварэнне экстрэмісцкіх фармаванняў і кіраўніцтва імі, учыненыя паўторна);

— ч. 3 арт. 361 (публічныя заклікі да захопу дзяржаўнай улады, здзяйснення іншых дзеянняў, накіраваных на прычыненне шкоды нацыянальнай бяспецы Рэспублікі Беларусь);

— ч. 3 арт. 130 (наўмысныя дзеянні, накіраваныя на распальванне сацыяльнай варожасці і варожасці па прыкмеце іншай сацыяльнай прыналежнасці, учыненыя групай асоб);

— ч. 1 арт. 356 (іншае аказанне дапамогі замежнай дзяржаве, міжнароднай або замежнай арганізацыі і іх прадстаўнікам у правядзенні дзейнасці, накіраванай на прычыненне шкоды нацыянальнай бяспецы Рэспублікі Беларусь, наўмысна здзейсненыя грамадзянінам Рэспублікі Беларусь (здрада дзяржаве);

— ч. 4 арт. 16 і арт. 382 (арганізацыя і кіраўніцтва самавольнага прысваення звання і ўлады службовай асобы, спалучанага з удзелам на гэтай падставе ў перамовах і іншых сустрэчах з прадстаўнікамі замежных дзяржаў, замежных і міжнародных арганізацый, у пасяджэннях міжнародных арганізацый);

— ч. 2 арт. 191 (перашкода працы Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў, камісій па рэферэндуме, здзейсненае з прымяненнем пагрозы і іншым спосабам, групай асоб па папярэдняй змове);

— ч. 4 арт. 16 і ч. 2 арт. 342 (іншая падрыхтоўка асоб для ўдзелу ў групавых дзеяннях, якія груба парушаюць грамадскі парадак).

Павел Латушка абвінавачваецца па васьмі артыкулах Крымінальнага кодэкса Беларусі:

— ч. 1 арт. 357 (змова, здзейсненыя з мэтай захопу дзяржаўнай улады неканстытуцыйным шляхам);

— ч. 3 арт. 361 (публічныя заклікі да захопу дзяржаўнай улады, здзяйснення іншых дзеянняў, накіраваных на прычыненне шкоды нацыянальнай бяспецы Рэспублікі Беларусь;

— чч. 1 і 2 арт. 361-1 (стварэнне экстрэмісцкіх фармаванняў і кіраўніцтва імі, учыненыя паўторна);

— ч. 3 арт. 130 (наўмысныя дзеянні, накіраваныя на ўзбуджэнне іншай сацыяльнай варожасці і варожасці па прыкмеце іншай сацыяльнай прыналежнасці, учыненыя групай асоб);

— ч. 4 арт. 16 і арт. 382 (арганізацыя і кіраўніцтва самавольнага прысваення звання і ўлады службовай асобы, спалучанага з удзелам на гэтай падставе ў перамовах і іншых сустрэчах з прадстаўнікамі замежных дзяржаў, замежных і міжнародных арганізацый, у пасяджэннях міжнародных арганізацый);

— ч. 2 арт. 191 (перашкода працы Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў, камісій па рэферэндуме, здзейсненае з прымяненнем пагрозы і іншым спосабам, групай асоб па папярэдняй змове);

— ч. 3 арт. 426 (наўмыснае здзяйсненне службовай асобай дзеянняў, якія відавочна выходзяць за межы правоў і паўнамоцтваў, дадзеных яму па службе, якія пацягнулі прычыненне істотнай шкоды дзяржаўным і грамадскім інтарэсам (перавышэнне ўлады або службовых паўнамоцтваў), здзейсненае з карыслівай і іншай асабістай зацікаўленасці асобай, якая займае адказнае становішча, якія пацягнулі цяжкія наступствы);

— ч. 3 арт. 430 (прыняцце службовай асобай для сябе матэрыяльных каштоўнасцяў, якія прадстаўляюцца выключна ў сувязі з займаным службовым становішчам, за спрыяльнае рашэнне пытанняў, якія ўваходзяць у яго кампетэнцыю, за выкананне ў інтарэсах таго, хто дае хабар, і прадстаўленым ім асоб, дзеяння, якое гэта асоба павінна была або магла здзейсніць з выкарыстаннем сваіх службовых паўнамоцтваў (атрыманне хабару), у буйным памеры, учыненае асобай, якая займае адказнае становішча).

Вользе Кавальковай інкрымінуюцца:

— ч.1 арт. 357 (змова з мэтай захопу ўлады неканстытуцыйным шляхам);

— ч. 3 арт. 361 (заклікі да санкцый, іншых дзеянняў, накіраваных на прычыненне шкоды нацыянальнай бяспецы Рэспублікі Беларусь);

— ч. 1 арт. 361-1 (стварэнне экстрэмісцкага фармавання);

— ч. 3 арт. 130 (распальванне варожасці);

— ч. 2 арт. 191 (перашкода ажыццяўленню выбарчых правоў, права на ўдзел у рэферэндуме).

Сяргею Дылеўскаму:.

— ч.1 арт. 357 (змова з мэтай захопу ўлады неканстытуцыйным шляхам);

— ч. 3 арт. 361 (заклікі да санкцый, іншых дзеянняў, накіраваных на прычыненне шкоды нацыянальнай бяспецы Рэспублікі Беларусь);

— ч. 1 арт. 361-1 (стварэнне экстрэмісцкага фармавання);

Марыі Мароз інкрымінаваныя:

— ч. 1 арт. 13 і ч. 1 арт. 292 (падрыхтоўка да захопу і ўтрымання будынкаў і збудаванняў);

— ч. 1 арт. 13 і ч. 2 арт. 293 (падрыхтоўка да ўдзелу ў масавых беспарадках);

— ч. 1 арт. 357 (змова з мэтай захопу дзяржаўнай улады неканстытуцыйным шляхам);

— ч. 4 арт. 16 і ч. 2 арт. 342 (іншая падрыхтоўка асоб для ўдзелу ў групавых дзеяннях, якія груба парушаюць грамадскі парадак).

• 0
• 0
• 5
• 1
• 0
• 3
• 8
• 0