Латушка: пра Качанаву, Эйсмант, удар Матолькі, сыход з КР і мноства канфліктаў
На ютуб-канале «Ток» выйшла вялікая гутарка Настассі Роўды з Паўлам Латушкам, кіраўніком НАУ і намеснікам Святланы Ціханоўскай у Аб'яднаным пераходным кабінеце.
У інтэрв'ю Павел Латушка гаворыць пра сыход Макея і атачэнне Лукашэнкі. Разважае пра тое, ці зможа ўтрымаць уладу Наталля Качанава, якая роля Наталлі Эйсмант, што сабой уяўляюць дзяржсакратар Рады бяспекі Аляксандр Вальфовіч і кіраўнік Адміністрацыі Лукашэнкі Ігар Сергяенка. Адказвае на пытанне, ці будуць новыя выбары ў Беларусі і навошта Аляксандру Лукашэнку спатрэбілася ствараць новую КПСС — партыю «Белая Русь».
Апроч таго, у размове шмат пытанняў пра дэмакратычныя структуры — які сэнс іх існавання сёння, пра тое, што, апроч пасадаў, яны даюць. Таксама пра адносіны Паўла Латушкі з Франакам Вячоркам і канфлікт з Антонам Матолькам. І чаму ён адмовіўся праходзіць паліграф.
У размове Павел таксама распавядае пра любімы спектакль Купалаўскага і тое, дзе найлепшае месца ў зале тэатра, гаворыць пра актрысу Вольгу Няфёдаву, якая заняла месца выбітнага рэжысёра Мікалая Пінігіна. Называе, колькі каштуе самы дарагі гарнітур і па чым сумуе ў Беларусі.
Чытайце таксама: Латушка пра штрэйкбрэхераў з Масквы ў Купалаўскім: Іграць па-беларуску — гэта не толькі мова, гэта нябачная сувязь з народам
Чаму Латушку далі больш гадоў «завочнай калоніі», чым Ціханоўскай?
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары