Продажы кітайскіх аўтамабіляў Bestune стартуюць у Беларусі у красавіку. Кітайскі аўтаканцэрн FAW і кампанія «ФелОкт-сэрвіс» заключылі дыстрыбутарскі кантракт, паведамляе Office Life.
FAW Group — найстарэйшае кітайскае аўтамабілебудаўнічае прадпрыемства, заснаванае ў 1953 годзе. Bestune — брэнд аўтамабіляў у сярэднім цэнавым сегменце.
FAW вядомы яшчэ адной маркай — Hongqi, аўтамабілі якой называюць кітайскімі «Ролс-ройсамі». На заводах таксама выпускаюць аўтамабілі канцэрна Volkswagen, якія па аб'ёмах продажаў у Кітаі ў 2022 годзе занялі першае месца. VW валодае 40% акцый кітайскага вытворцы.
Раней ішлі перамовы аб магчымай вытворчасці машын канцэрна FAW у Беларусі. Пакуль, аднак, гаворка ідзе толькі пра імпарт і дыстрыбуцыю.
Цяпер чытаюць
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу8
Каментары