Прэм'ер-міністр Фінляндыі Сана Марын падала прэзідэнту Саўле Нііністэ прашэнне аб адстаўцы ўрада. Цырымонія адбылася ў афіцыйнай рэзідэнцыі прэзідэнта Фінляндыі ў чацвер раніцай, паведамляе Yle.fi.
Адстаўка ўрада Марын звязана з правядзеннем у краіне парламенцкіх выбараў 2 красавіка, на якіх сацыял-дэмакраты занялі трэцяе месца.
«Паважаны прэзідэнт рэспублікі, з павагай прашу вас звольніць мяне і іншых членаў урадавага савета», — сказала Марын.
Прэзідэнт Нііністэ прыняў прашэнне аб адстаўцы. Урад Марын будзе працаваць у статусе часовага, пакуль партыі не сфарміруюць новы кабінет.
Петэры Орпа, старшыня Нацыянальнай кааліцыйнай партыі, якая выйграла выбары, на наступным тыдні пачне кансультацыі аб фармаванні ўрада.
Напярэдадні Марын заявіла, што ўвосень пакіне пасаду старшыні Сацыял-дэмакратычнай партыі.
Сана Марын узначаліла ўрад Фінляндыі ў снежні 2019 года ва ўзросце 34 гадоў, на той час яна была самая маладая прэм'ер у свеце.
Фінляндыя пачала будаваць сцяну на мяжы з Расіяй
36-гадовая прэм'ерка Фінляндыі ўзарвала інтэрнэт міні-шортамі. Расказваем пра яе
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары