У райцэнтры Зэльва на Гродзеншчыне на продаж выставілі вадзяны млын, пабудаваны яшчэ ў XIX стагоддзі. Ён знаходзіцца ў маляўнічым месцы каля ракі Зэльвянкі і буйнога вадасховішча, і ўсяго за 10 хвілін пешшу да цэнтра гарадскога пасёлка.
Былы млын можна перарабіць у аграсядзібу або гасцініцу — памеры (150 кв.м.) і тры паверхі з гарышчам гэта дазваляюць. Таксама да будынка прылягае ўчастак у 50 сотак.
Будынак знаходзіцца ў зручным месцы, побач праходзяць аўтамабільная дарога і чыгунка. Але хоць каменная пабудова яшчэ моцная, укласці ў яе аднаўленне давядзецца нямала.
Раней былы млын ужо спрабавалі прывесці ў парадак, аднак у папярэдняга ўладальніка не хапіла на гэта магчымасцяў. За нерухомасць ён хоча ўсяго 30000 рублёў.
У спіс гісторыка-культурных каштоўнасцяў былы млын не ўнесены, таму будучы гаспадар можа рабіць з ім усё, што палічыць патрэбным.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары