«Мы прынялі цяжкае рашэнне развітацца з некаторымі выдатнымі людзьмі», — гаворыцца ў заяве кампаніі.
PandaDoc звольніў частку каманды. Пра гэта 20 кастрычніка паведаміў сузаснавальнік і тэхнічны дырэктар кампаніі Сяргей Барысюк у LinkedIn, піша Devby.io.
«Мы прынялі цяжкае рашэнне развітацца з некаторымі выдатнымі людзьмі. Гэта частка змен, якія дазволяць нам засяродзіцца на напрамках, найбольш важных для нашых кліентаў і для будучыні PandaDoc», — патлумачыў ён.
Барысюк падзякаваў звольненым супрацоўнікам за ўнёсак у PandaDoc. Ён адзначыў, што некаторыя з іх адпрацавалі ў кампаніі шмат гадоў і прайшлі разам з ёй самыя цёмныя часы ў Беларусі і Украіне, калі яна рэлакавала людзей разам з сем'ямі. «Яны дапамаглі PandaDoc стаць той кампаніяй, якой яна ёсць сёння», — напісаў кафаўндар, дадаўшы, што быў бы рады працаваць разам з імі зноў. Ён заклікаў наймаць іх і гатовы даць рэкамендацыі.
«Я ніколі не забуду, праз што мы разам прайшлі, і ў мяне няма слоў, каб выказаць, як шмат для мяне значыць усё, што вы зрабілі для гэтай кампаніі», — заключыў Барысюк.
Прычыны звальненняў, колькі менавіта чалавек засталося без працы, пазіцыі і лакацыі ён не ўдакладніў.
Па даных на сакавік, глабальны штат кампаніі налічваў 860 чалавек. У яе ёсць офісы ў Сан-Францыска, Кіеве, Варшаве, Лісабоне і Маніле.
PandaDoc уваходзіць у дзясятку самых касавых айцішных кампаній з беларускімі каранямі ва Украіне і ў топе-15 самых прыбытковых беларускіх бізнэсаў у Польшчы.
У студзені ў кампаніі змяніўся гендырэктар — суаснавальнік Мікіта Мікада перадаў гэтую пасаду Кіту Рабкіну, каб займацца прадуктовай стратэгіяй і роўдмэпам. Рабкін на той момант адпрацаваў там больш за тры гады.
У снежні 2025 года PandaDoc прыцягнуў €5 млн ад партугальскіх інвестараў для ўдасканалення ШІ-функцыяналу і пашырэння офіса ў Лісабоне.
Апошнія звальненні PandaDoc праводзіў у снежні 2023‑га — пад іх маглі трапіць каля 25 чалавек, у асноўным QA і Scrum Master.
Кампанія ліквідавала офіс у Беларусі ў лютым 2022 года, атрымаўшы незадоўга да гэтага, у верасні 2021-га, статус аднарога.
Перад гэтым, у верасні 2020-га, у мінскі офіс кампаніі прыйшлі з ператрусамі. Чатыры супрацоўнікі апынуліся ў СІЗА з абвінавачваннямі ў махлярстве, апошні з іх выйшаў на волю амаль праз год. Візіт адбыўся пасля таго, як летам 2020‑га Мікада і Барысюк ініцыявалі збор грошай для сілавікоў, якія вырашылі змяніць прафесію.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос7
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары