Рыбакоў пра ход перамоваў з ЗША: Асобныя пытанні вырашаныя цалкам, некаторыя — у працэсе
Паводле словаў пастаяннага прадстаўніка Беларусі пры ААН, перамовы з амерыканскім бокам будуць працягвацца, а станоўчыя вынікі не прымусяць сябе доўга чакаць.
Напрыклад, на наступным тыдні Валянцін Рыбакоў разлічвае чарговы раз сустрэцца з амерыканскай дэлегацыяй у Нью-Ёрку, піша БелТА.
У парадку дня перамоваў — як пытанні, якія прадстаўнікі ЗША пакуль не вырашылі па выніках папярэдніх сустрэч з беларускім бокам, так і новыя магчымасці для ўзаемадзеяння.
«Усе пытанні, якія былі пазначаныя, вырашаюцца. Але цалкам вырашанае толькі адно — знятыя персанальныя санкцыі з кіраўніка «Беларуськалія». Астатнія пытанні знаходзяцца ў працэсе вырашэння. Гэта можа заняць пэўны час, бо пытанні складаныя і датычацца банкаўскай дзейнасці. Але яны будуць вырашаныя», — сказаў дыпламат па выніках дакладу Лукашэнку.
«Адкрываюцца новыя магчымасці для ўзаемадзеяння з амерыканскім бокам, у тым ліку з улікам апошніх рашэнняў прэзідэнта ЗША адносна ўзаемадзеяння з іншымі краінамі», — дадаў ён.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары