У Беларусі абмежавалі доступ да сайтаў з-за мяжы праз небяспечныя памылкі ў PHP
Частка беларускіх сайтаў можа не адкрывацца з іншых краін. Hoster.by паведаміў, што замежны ўваходны трафік абмежавалі паводле распараджэння дзяржаўнага органа, які каардынуе кібербяспеку. Прычына — дзве выяўленыя крытычныя ўразлівасці ў PHP, тэхналогіі, на якой працуюць многія сайты.
Паводле паведамлення хостынгавай кампаніі ад 21 кастрычніка, сайты працягнуць працаваць для карыстальнікаў у Беларусі, але будуць недаступныя з іншых краін. Выключэнне зрабілі для пошукавых робатаў Google, «Яндэкса» ды іншых пошукавікаў.
Які менавіта дзяржаўны орган выдаў распараджэнне і колькі сайтаў закранулі абмежаванні, у паведамленні не ўдакладняецца.
Выяўленыя памылкі могуць дазволіць зламыснікам выконваць шкоднасны код на серверы без аўтарызацыі. Абедзве ўразлівасці атрымалі ацэнку небяспекі 9,2 бала з 10. Распрацоўшчыкі PHP ужо выпусцілі выпраўленні і заклікалі неадкладна абнавіць праграмнае забеспячэнне.
Hoster.by абяцаў абнаўляць інфармацыю пра тэрміны зняцця абмежаванняў.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Виртуальный хостинг: ограничения внешнего трафика в связи с критическими уязвимостями в PHP сняты (UPD 10:00, 22.10.26)