З чэрвеня большасць еўрапейцаў спыняць працу з Беларуссю па «Зялёнай карце»
Беларускае бюро па транспартным страхаванні (ББТС) і страхавыя кампаніі папярэджваюць пра тое, што з 1 чэрвеня 2023 года больш за 30 еўрапейскіх краін спыняюць узаемаадносіны з Беларуссю ў міжнароднай сістэме страхавання грамадзянскай адказнасці ўладальнікаў транспартных сродкаў «Зялёная карта».
Краіны, з якімі такія ўзаемаадносіны будуць больш немагчымыя — усе дзяржавы Еўрасаюза, а таксама Ісландыя, Нарвегія, Швейцарыя і Вялікабрытанія.
«У сувязі з гэтым дамовы страхавання «Зялёная карта» з тэрыторыяй дзеяння гэтых краін могуць заключацца пры ўмове, што заканчэнне тэрміну іх дзеяння не перавышае 31 мая 2023 года», — гаворыцца на сайце ББТС.
Дамовы страхавання, заключаныя на тэрмін, які перавышае гэтую дату, будуць аўтаматычна спыненыя 31 мая ў 23 гадзіны 59 хвілін.
«З 1 чэрвеня ўладальнікі транспартных сродкаў пры паездках за межы Рэспублікі Беларусь павінны будуць заключаць дамову памежнага страхавання на тэрыторыі краіны ўезду», — адзначаецца ў паведамленні.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары