У папулярным песенным конкурсе Еўрабачанне-2023, які пачаўся на гэтым тыдні ў англійскім Ліверпулі, прайшоў у фінал харвацкі гурт з парадыйным нумарам, у якім гледачы знайшлі адсылкі да вобразаў Пуціна і Лукашэнкі.
У сваім выступе гурт Let 3 некалькі разоў паўтарыў выразы «мама купіла трактар», «мама, я іду ваяваць», а адзін з музыкаў вынес на сцэну імправізаваныя ракеты.
Пазней артысты раскрылі сваю ідэю: у выступленні яны выкарыстоўвалі зборны вобраз сучасных дыктатараў. Калектыў удакладніў, што гаворка ў песні ідзе не толькі пра поўнамаштабнае ўварванне ва Украіну, але яна таксама тычыцца ўсіх войнаў, якія вядуцца на планеце.
Пры гэтым лідар гурта заявіў, што словы песні «подлы дробны псіхапат» сапраўды з'яўляюцца адсылкай да Уладзіміра Пуціна.
Сёлета конкурс Еўрабачанне мусіла па ягоных звычайных правілах прыняць Украіна, выканаўцы з якой перамаглі летась, але гэта ва ўмовах вайны, якая працягваецца, немагчыма. Таму замест Украіны Еўрабачанне праходзіць у Вялікабрытаніі. Расію і Беларусь, як суагрэсараў, да конкурсу не дапусцілі, а ўсяго ў ім сёлета бярэ ўдзел 37 краін.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары