Чыноўнікі абвясцілі найлепшым інтэрнэт-праектам прапагандысцкі ютуб-канал, дзе некаторыя відэа збіраюць па 30 праглядаў
Міністэрства інфармацыі абвясціла пераможцаў конкурсу «Залатая ліцера», які праводзіцца сярод дзяржаўных медыя. Некаторыя выклікаюць недаўменне.
Так, найлепшым інтэрнэт-праектам рэгіянальных і карпаратыўных выданняў назвалі «Вячэрні палітычны канал» — праект агенцтва «Мінск-Навіны».
Гэты ютуб-канал мае пад 2 тысячы падпісантаў. Відэа на ім збіраюць звычайна па пару соцень праглядаў. Асабліва непапулярным выглядае аўтарскі праект прапагандыста Вадзіма Ялфімава. Выпускі з ім за апошнія тыдні часам не набіраюць і 50 праглядаў.
Канечне, бываюць на канале і відэа на пару тысяч праглядаў. Адзіная тэма, якая прынесла дзясяткі тысяч праглядаў, — прэзідэнтка Малдовы Мая Санду.
Адзначым яшчэ некалькі намінацый.
Спецыяльны прыз «За ўклад у журналістыку» ўручаны аглядальніку аддзела палітычнай інфармацыі выдавецкага дома «Беларусь сегодня», прапагандысту Андрэю Мукавозчыку.
Сярод рэгіянальных і карпаратыўных медыя за найлепшыя матэрыялы культуралагічнай, гісторыка-краязнаўчай тэматыкі ўзнагародзілі часопіс «Міліцыя Беларусі» — за цыкл артыкулаў Мікалая Андрасюка.
Гран-пры конкурсу як найлепшыя творчыя праекты года атрымалі праект «Школьны дзённік» ляхавіцкай раёнкі і праект «За пячаткай памяці» (яго робіць БелТА, газета «7 дзён» і часопіс «Беларуская думка» сумесна з Генеральнай пракуратурай і Міністэрствам юстыцыі).
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы39
Каментары
😄