Як паведамляе прэс-служба Міністэрства аховы здароўя, у крыві 44-гадовага мужчыны з Гомеля выявілі батулінічны таксін. А патрапіў ён у арганізм пасля ўжывання ў ежу нявытрыбушанай вяленай рыбы хатняга прыгатавання.
Гэты мужчына заўсёды вяліў рыбу сам і ўсё было добра, але гэтым разам яму не пашанцавала. А ўвогуле ж гатаваў рыбу ён з парушэннем правіл бяспекі, бо абавязковая ўмова для вялення рыбы ў хатніх умовах заключаецца ў тым, што перад прыгатаваннем яе трэба абавязкова вытрыбушыць.
«Пры пэўных умовах у вяленай рыбе можа развіцца смяротна небяспечны батулінічны таксін, здольны даволі хутка забіць нават моцнага дарослага мужчыну, — гаворыцца ў артыкуле сайта fishingby.com. — Вяліць рыбу ў нявытрыбушаным выглядзе ў хатніх умовах недапушчальна, пры пэўных абставінах такі ласунак можа стаць апошнім, што вы паспрабуеце ў жыцці».
Батулізм — гэта смяротна небяспечнае харчовае атручэнне, якое ўзнікае з-за ўжывання прадуктаў, заражаных палачкамі батулізму. Таксін, які выпрацоўваюць бактэрыі Clostridium botulinum, выклікае сур'ёзнае паражэнне цэнтральнай нервовай сістэмы.
Такі таксін устойлівы да высокіх канцэнтрацый солі (да 18%), не гіне ў прадуктах, якія змяшчаюць спецыі. Адзінае, што можа яго забіць — кіпячэнне на працягу 20—30 хвілін.
Цяпер чытаюць
Ці хочуць беларусы саюза з Расіяй? Вынікі новага апытання30
Каментары