Па «справе «Чорнай кнігі Беларусі» супрацоўніцы службы «Адно акно» далі пяць з паловай гадоў калоніі
У Мінскім гарадскім судзе да пяці гадоў і шасці месяцаў калоніі ва ўмовах агульнага рэжыму асудзілі палітзняволеную, былую супрацоўніцу службы «Адно акно» адміністрацыі Кастрычніцкага раёна Мінска Святлану Бычкоўскую.
Жанчыну судзілі паводле чатырох артыкулаў Крымінальнага кодэкса па так званай «справе «Чорнай кнігі Беларусі». За «зліў даных сілавікоў» Святлану абвінавацілі ў «перавышэнні службовых паўнамоцтваў» і «распальванні іншай сацыяльнай варожасці».
Суддзя Дзіна Кучук вынесла такі прысуд яшчэ 25 мая, але праваабаронцам пра вынік суда стала вядома толькі цяпер. Працэс праходзіў у закрытым рэжыме.
Каментары