Ту-134АК амаль 40 гадоў, і раней ён належаў Паветрана-касмічным сілам РФ.
Як паведамляе маніторынгавая група «Беларускі Гаюн», з 18 мая 2023 года сталі адзначацца навучальна-трэніровачныя палёты новага для беларускай арміі самалёта — Ту-134АК.
Гэты борт прыляцеў на аэрадром Мачулішчы 8 снежня 2022 года пад рэгістрацыйным нумарам RF-65681 ПКС РФ. Раней ён доўгі час знаходзіўся на захоўванні ў РФ, да пачатку 2022 года прайшоў капітальны рамонт і пасля апынуўся ў Беларусі.
З канца 2022 года Ту-134 быў на мінскім авіярамонтным заводзе, а ўжо ў маі 2023 года стаў на крыло ў ліўрэі МА РБ. У Беларусі борт атрымаў новы рэгістрацыйны нумар — EW-772DV і цяпер дыслакуецца на аэрадроме 50-й ЗАБ у Мачулішчах.
«Беларускі Гаюн» адзначае, што Ту-134АК — першы пасажырскі самалёт у распараджэнні МА РБ, у якога ёсць бартавы туалет. Аднак скарыстацца прыбіральняй змогуць толькі вышэйшыя чыны УС РБ, бо самалёт мае VIP-выкананне і прызначаны для перавозкі вайсковага кіраўніцтва.
Самалёту ўжо каля 40 гадоў. Цяпер паветранае судна ўсё яшчэ праходзіць планавы аблёт, паводле інфармацыі на партале дзяржаўных закупак, у Мачулішчах яшчэ трэба закупіць аэрадромную асенізацыйную машыну, каб не зліваць адходы на паласе.
Цяпер чытаюць
Дзядок патлумачыў, чаму вызвалілі менавіта тых палітвязняў, каго вызвалілі31
Каментары
Мые морду борнаю,
Бо над ім раз праляцеў
Аэраплан з уборнаю!