Лукашэнка заявіў, што «выбары ў Беларусі пройдуць сумленна, не як у ЗША»
Будучыя выбары ў Беларусі пройдуць сумленна, не як у ЗША. Пра гэта Аляксандр Лукашэнка заявіў на сустрэчы са старшынёй ЦВК Ігарам Карпенкам, як піша БелТА.
Лукашэнка закрануў пытанне запрашэння назіральнікаў на выбары-2024.
«Суб'екты, якія запрашаюць назіральнікаў, вызначаныя законамі. Нам хаваць няма чаго. У патрэбны час, калі падыдзе тэрмін, калі мы палічым патрэбным, мы запросім назіральнікаў. Каб яны бачылі, як будуць праходзіць выбары. Каб нас не папракалі, што мы праводзім выбары, як у Амерыцы там. І страляюць у людзей пасля выбараў, і па пошце выбары праводзяць і гэтак далей. І фальсіфікацый процьма. Гэта ўжо сёння відаць. Мы павінны сумленна правесці гэтыя выбары», — перакананы Лукашэнка.
Ён дадаў, што хаваць няма чаго.
«Каля 80% адназначна сёння падтрымліваюць той курс, які мы вызначылі. Нам чаго баяцца? Ну, за 20%, якія вагаюцца і якія супраць, мы яшчэ пазмагаемся. Гэта я кажу як прэзідэнт», — заявіў Лукашэнка.
У Беларусі ў 2024 годзе ўпершыню пройдзе Адзіны дзень галасавання (парламенцкія выбары + мясцовыя). Адзіны дзень галасавання адбудзецца 25 лютага 2024 года.
Фальсіфікацыя вынікаў прэзідэнцкіх выбараў 2020 года правяла да масавых пратэстаў беларусаў. Пратэсты былі жорстка задушаныя. Тысячы беларусаў кінутыя ў турмы, дзясяткі тысяч прайшлі праз адміністрацыйныя арышты, сотні тысяч беларусаў пакінулі краіну.
Цяпер чытаюць
На вуліцы Матусевіча ў Мінску побач з дзіцячым садком упаў беспілотнік14
На вуліцы Матусевіча ў Мінску побач з дзіцячым садком упаў беспілотнік
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары