Суддзя Марына Клімчук у судзе Ленінскага раёна Мінска вынесла прысуд у справе музыкі Мікіты Найдзёнава. Прысуд — 3 гады абмежавання волі без накіравання ў папраўчую ўстанову адкрытага тыпу («хатняя хімія»). Пасля абнародавання прысуду Найдзёнава вызвалілі з-пад варты ў зале суда, паведаміла «Радыё Свабода».
Мікіту Найдзёнава абвінавачвалі паводле арт. 342 КК «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Праваабарончая супольнасць Беларусі прызнала Найдзёнава палітвязнем.
Мікіта Найдзёнаў — беларускі паэт і музыка, былы франтмен гурта Hurma, а таксама аўтар шэрагу песень розных артыстаў. У 2015 годзе стаў уладальнікам прэміі «Залаты Апостраф» у намінацыі «Дэбют» за найлепшую публікацыю вершаў у часопісе «Дзеяслоў».
З канца красавіка 2023 года ён знаходзіўся ў СІЗА № 8 Жодзіна. У ліпені 2023 года яго перавялі са Следчай турмы № 8 у СІЗА-1 у Мінску.
Цяпер чытаюць
Вызваленая 18‑гадовая палітзняволеная Марыя Місюк8
Каментары