Здарэнне адбылося ў вёсцы Хочань, што ў Жыткавіцкім раёне.
Два пчаляры ў мінулы аўторак пазбавіліся некалькіх вуллёў і мёду. Мікалай Рай сустрэўся са «злачынцам» нос да носа, калі вяртаўся ад ракі дадому.
— Ехаў на ровары, — кажа мужчына, — гляджу, метраў за пяць бяжыць жывёла. Паколькі напярэдадні ў знаёмага скралі в'етнамскую свінню, падумаў, што яна. Яшчэ здзівіўся, што буйнаватая. І толькі калі жывёла, спалохаўшыся (сам я не паспеў), забралася на дрэва, распазнаў бурага мядзведзя.
Звер ва ўпор глядзеў на чалавека, пакуль той не схаваўся. І адправіўся на пчальнік.
Фота: zhitkovichi_news
Раніцай тут выявілі тры спустошаныя вуллі. Мішка добра падсілкаваўся, з'еўшы больш за 30 кілаграмаў мёду, што пчаляры пакідаюць на корм пчолам.
Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22
Каментары