Мядзведзь на мяжы Літвы з Беларуссю пратэсціраваў надзейнасць памежнага плота ВІДЭА
У сацыяльных сетках стала распаўсюджвацца відэа мядзведзя, які спрабуе пералезці праз памежны плот. Не здолеўшы пераадолець яго праз верх, мядзведзь спрабаваў падкапацца пад агароджу, а пасля разбурыць яе. Літоўскія памежнікі пацвердзілі, што гэты інцыдэнт сапраўды зафіксаваны ў Літве каля мяжы з Беларуссю, паведаміў літоўскі тэлеканал Tv3.lt.
У сюжэце адзначаюць, што мядзведзяў цяпер вельмі шмат жыве ў Беларусі, а таксама нямала іх у Эстоніі і Латвіі. А вось у Літве яны стала жывуць вельмі рэдка і толькі праз яе мігруюць — або з Беларусі на поўнач, або з поўначы ў Беларусь.
Спачатку мядзведзь, зняты на відэа, вельмі спрытна залазіць на агароджу, але пералезці праз яе на беларускі бок яму не ўдаецца — не пускае калючы дрот. Тады звер злазіць і спрабуе падкапацца пад плот, але і гэта плёну не дае. Урэшце, раз'юшаная жывёліна спрабуе перакуліць плот, б'е па ім даволі моцна, але агароджа стаіць.
Верагодна, аднак, што нейкае выйсце мядзведзь урэшце знайшоў. Напрыклад, перабраўся ў Беларусь праз раку — мядзведзі добра плаваюць, а на рэках агароджы не ставяць.
Літоўскія памежнікі пацвердзілі, што кадры былі знятыя ў Літве, у Свянцянскім раёне. Мядзведзь сапраўды спрабаваў перайсці праз агароджу ў Беларусь 18 жніўня і, пэўна, такі знайшоў дарогу ды ўжо ходзіць з іншага боку.
Па словах літоўскіх памежнікаў, улетку яны бачылі на тэрыторыі Літвы двух мядзведзяў. Адзін з іх блукаў у Свянцянскім раёне, а другі — у Салечніцкім, у так званай Дзявенішскай пятлі.
З'явілася ВІДЭА, як у Налібоцкай пушчы сям'я ваўкоў ратуе ваўчанят ад мядзведзя
«Гляджу, што яна ідзе ў мой бок. Я хутка сеў у машыну». У Докшыцкім раёне мядзведзі знішчылі поле з аўсом у фермера
Пад Чэрвенем мядзведзь пасяліўся на кукурузным полі побач з хатамі
У Беларусі створаць новую Чырвоную кнігу і выключаць з яе некаторыя віды
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?8
Каментары