«Ізраіль пераследуе групу людзей, якія ўчынілі варварства, якое па сваіх наступствах не саступае Халакосту. І таму я думаю, што Ізраіль павінен адказаць», — мяркуе прэзідэнт ЗША.
Прэзідэнт ЗША Джо Байдэн у інтэрв'ю тэлеканалу CBS заявіў, што ХАМАС павінен быць знішчаны, але трэба захаваць палесцінскую дзяржаву.
На пытанне, ці павінен ХАМАС быць цалкам ліквідаваны, Байдэн адказаў: «Так, я лічу».
«Гэты шлях, які называецца «рашэннем аб дзвюх дзяржавах», дзесяцігоддзямі быў палітыкай ЗША. Ён прадугледжвае стварэнне незалежнай дзяржавы побач з Ізраілем для 5 мільёнаў палесцінцаў, якія жывуць у Газе і на Заходнім беразе ракі Іярдан», — дадаў ён.
Цяпер гэта не зробіцца, але Ізраіль разумее, што значная частка палесцінцаў не падзяляе погляды ХАМАСа і Хезбалы, адзначыў Байдэн.
На яго думку, пасля нападу ХАМАС Ізраіль павінен быў рашуча адрэагаваць.
«Ізраіль пераследуе групу людзей, якія ўчынілі варварства, якое па сваіх наступствах не саступае Халакосту. І таму я думаю, што Ізраіль павінен адказаць. Яны павінны пераследваць ХАМАС. ХАМАС — гэта купка баязліўцаў. Яны хаваюцца за спінамі цываільных, — сказаў прэзідэнт ЗША і дадаў: Я ўпэўнены — ізраільцяне зробяць усё, што ў іх сілах, каб пазбегнуць забойства нявінных цывільных асоб».
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей2
Каментары