На гродзенскім аўтавакзале зніклі галасавыя абвесткі па-беларуску
На знікненне беларускамоўных аб’яў на аўтавакзале звярнулі ў сацсетках увагу мясцовыя жыхары.
Як піша «Радыё Рацыя», аднаму з гарадзенцаў у адміністрацыі аўтавакзала патлумачылі, што раней такія аб’явы рабіў чалавек, а цяпер прыйшла камп’ютарная праграма з Мінска. Да таго ж у краіне дзве дзяржаўныя мовы.
Пытанні, чаму знікла менавіта беларуская мова і ці не збіраюцца транспартнікі ўжо цалкам увайсці ў Расію, «выклікалі невялікі скандал».
Абураны жыхар Гародні напісаў скаргу, але мяркуе, што эфекту не будзе.
Таксама днямі стала вядома, што ў маладзечанскіх электрычках зніклі беларускамоўныя абвесткі — з прыёмнікаў у вагонах гучыць толькі руская мова.
Цяпер чытаюць
Сямейная драма аднаго з самых вядомых клоўнаў Беларусі — жонка аддала Вадзіку Ракеце двухгадовага сына і сышла7
Каментары
Яшчэ на пачатку XIX ніхто з беларусаў па расейску не размаўляў. Але русіфікацыя пайшла лепш чым маглі чакаць расейскія генерал-губернатары
Такіх каму страшна баліць за забіцьце ўласнай краіны не болей за 15%. Астатнім альбо напляваць, альбо мова не першасна.
Таму і знікае ўсе на загад Масквы ды й Бондаравай пад кіраўніцтвам Лукашенкі. Пагатоў і насельніцтва не супраць - па вялікаму рахунку