«Для папулярызацыі каштоўных металаў». У Егіпце паставілі банкамат, які замест грошай выдае залатыя зліткі
У міністэрстве забеспячэння і ўнутранага гандлю Егіпта расказалі, як менавіта будзе працаваць новы банкамат і колькі золата за раз ён зможа выдаваць.
Падчас трэцяй Міжнароднай выставы золата і ювелірных вырабаў (NEBU) у Егіпце быў прадстаўлены першы ў краіне банкамат для выдачы залатых зліткаў. Як ён працуе і колькі золата выдае, расказвае выданне Egypt Independent са спасылкай на міністэрства забеспячэння і ўнутранага гандлю Егіпта.
«Банкамат працуе кругласутачна і дазваляе кожнаму пры пакупцы здымаць залатыя зліткі. Для гэтага трэба ўставіць у банкамат сваю карту, а затым выбраць любы з 8 прапанаваных варыянтаў пакупкі зліткаў вагой ад 1 да 100 грам. Курс цаны за грам золата будзе вызначацца аўтаматычна і адпавядаць актуальным расцэнкам на егіпецкім рынку», — расказалі ў міністэрстве.
Там адзначылі, што наяўнасць такіх банкаматаў «павінна дэмакратызаваць і спрасціць доступ звычайных грамадзян да каштоўных металаў».
Усяго «залатых» банкаматаў, паводле міністэрства, будзе некалькі штук па ўсёй краіне.
Варта адзначыць, што прадстаўлены днямі ў Егіпце банкамат з залатымі зліткамі не з'яўляецца нечым новым. Наватарства тут належыць Аб'яднаным Арабскім Эміратам, дзе ў 2010 годзе запусцілі першы ў сваім родзе «залаты» банкамат са зліткамі.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г3
Каментары