«Dla papularyzacyi kaštoŭnych mietałaŭ». U Jehipcie pastavili bankamat, jaki zamiest hrošaj vydaje załatyja źlitki
U ministerstvie zabieśpiačeńnia i ŭnutranaha handlu Jehipta raskazali, jak mienavita budzie pracavać novy bankamat i kolki zołata za raz jon zmoža vydavać.
Padčas treciaj Mižnarodnaj vystavy zołata i juvielirnych vyrabaŭ (NEBU) u Jehipcie byŭ pradstaŭleny pieršy ŭ krainie bankamat dla vydačy załatych źlitkaŭ. Jak jon pracuje i kolki zołata vydaje, raskazvaje vydańnie Egypt Independent sa spasyłkaj na ministerstva zabieśpiačeńnia i ŭnutranaha handlu Jehipta.
«Bankamat pracuje kruhłasutačna i dazvalaje kožnamu pry pakupcy zdymać załatyja źlitki. Dla hetaha treba ŭstavić u bankamat svaju kartu, a zatym vybrać luby z 8 prapanavanych varyjantaŭ pakupki źlitkaŭ vahoj ad 1 da 100 hram. Kurs cany za hram zołata budzie vyznačacca aŭtamatyčna i adpaviadać aktualnym rascenkam na jehipieckim rynku», — raskazali ŭ ministerstvie.
Tam adznačyli, što najaŭnaść takich bankamataŭ «pavinna demakratyzavać i spraścić dostup zvyčajnych hramadzian da kaštoŭnych mietałaŭ».
Usiaho «załatych» bankamataŭ, pavodle ministerstva, budzie niekalki štuk pa ŭsioj krainie.
Varta adznačyć, što pradstaŭleny dniami ŭ Jehipcie bankamat z załatymi źlitkami nie źjaŭlajecca niečym novym. Navatarstva tut naležyć Abjadnanym Arabskim Emiratam, dzie ŭ 2010 hodzie zapuścili pieršy ŭ svaim rodzie «załaty» bankamat sa źlitkami.
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary