«Пасля гэтых сэксуальных гукаў усё пагрузілася ў хаос». Скандал на лёсаванні Еўра-2024
У Гамбургу адбылося лёсаванне фіналу чэмпіянату Еўропы, які летам 2024 года пройдзе ў Германіі. Цырымонія аказалася незвычайнай: легендарныя футбалісты даставалі шары і размяркоўвалі зборныя па групах пад жаночыя стогны. Іх чулі і гледачы трансляцыі.
«Не магу паверыць, што гукі сэксу былі на працягу дзесяці хвілін», «Порна ўключылі», «Правядзіце лёсаванне яшчэ раз, каб паслухаць», «Лёсаванне таго дакладна каштавала», — пісалі заўзятары ў сацсетках.
«Лёсаванне пагрузілася ў хаос пасля таго, як пранкер прайграў сэксуальныя гукі. Многіх удзельнікаў цырымоніі пахвалілі за самавалоданне. А вось галоўны трэнер зборнай Германіі Юльян Нагельсман справіўся з гэтай задачай не так добра, як іншыя. Было відаць, як ён не стрымлівае ўсмешку ў зале».
УЕФА паабяцаў знайсці і пакараць вінаватых.
Адказнасць за здарэнне ўзяў на сябе блогер Дэніэл Джарвіс, які спецыялізуецца на розыгрышах.
«Гэта зрабілі мы! Мы прабраліся туды, мы пакінулі там тэлефон, мы патэлефанавалі на яго — і вось гукі сэксу на лёсаванні Еўра-2024», — напісаў Джарвіс у сацсетках.
Еўра-2024 пройдзе з 14 чэрвеня па 14 ліпеня ў 10 гарадах Германіі.
Каментары