Палітвязня, які паверыў сілавікам і вярнуўся з Польшчы, зноў будуць судзіць
6 снежня Магілёўскі абласны суд у закрытым рэжыме распачне новы судовы працэс у дачыненні да Аляксандра Кулікова, паведамляе «Вясна». Раней мужчына быў затрыманы адразу пасля вяртання з-за мяжы і асуджаны да 3 гадоў калоніі за абразу Лукашэнкі (ч. 2 арт. 368 КК) і паклёп на яго (ч. 2 арт. 367 КК).
6 снежня Магілёўскі абласны суд у закрытым рэжыме распачне новы судовы працэс у дачыненні да Кулікова. Яму інкрымінаваныя:
- арт. 361-1 — стварэнне экстрэмісцкага фармавання альбо ўдзел у ім;
- арт. 361-3 — удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу.
- арт. 361-5 — праходжанне навучання або іншай падрыхтоўкі для ўдзелу ў экстрэмісцкай дзейнасці.
Судовы працэс будзе весці Дзяніс Кічыгін.
Мужчына быў за мяжой, калі супраць яго распачалі справу, аднак вырашыў вярнуцца, бо яму паабяцалі, што адносна яго будзе абраная мера пакарання, не звязаная з пазбаўленнем волі. Ён паверыў і моцна пралічыўся.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары