Прэзідэнт Германіі ўзнагародзіў валанцёра медалём «За заслугі перад ФРГ». Прычына — вельмі незвычайная
У Міжнародны дзень валанцёрства, які адзначаецца 5 снежня, 39-гадовы Ёханэс Мезус атрымаў узнагароду ад прэзідэнта ФРГ Франка-Вальтэра Штайнмайера. Ёханэсу ўручылі медаль «За заслугі перад Федэратыўнай Рэспублікай Германіяй». Валанцёр атрымаў узнагароду за шматгадовую добраахвотніцкую працу, якая складаецца ў тым, каб правесці ў апошні шлях адзінокіх памерлых у Берліне, піша DW.
За апошнія некалькі гадоў 39-гадовы Ёханэс быў удзельнікам больш за 200 пахавальных працэсіяў па ўсім Берліне. Ні з адным з людзей, якіх хавалі, Ёханэс не быў знаёмы: ён прыходзіць на пахаванне тых, каго няма каму праводзіць у апошні шлях.
Пахаванні без родных і сяброў становяцца ўсё больш прывычнай зʼяваю, прынамсі, у Берліне. У 2017 годзе ў нямецкай сталіцы было зарэгістравана каля 2180 пахаванняў за кошт гарадской казны, у 2022 годзе — крыху больш за 2600.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм16
Каментары