Іх абвінавацілі ў атрыманні хабару ў буйным памеры, у тым ліку групай асоб па папярэдняй змове.
Намесніка гендырэктара БелАЗа Алега Сцепука прызналі вінаватым у здзяйсненні злачынства па ч. 3 арт. 430 Крымінальнага кодэкса, яму далі 11 гадоў калоніі з пазбаўленнем права займаць пасады, звязаныя з выкананнем арганізацыйна-распарадчых, адміністрацыйна-гаспадарчых абавязкаў і здзяйсненнем юрыдычна значных дзеянняў, на 5 гадоў.
На той жа тэрмін па тым жа артыкуле асуджаны намеснік гендырэктара МТЗ Сяргей Сіраценка. Яго таксама аштрафавалі на 2500 базавых велічынь (92,5 тыс. рублёў) і пазбавілі права займаць пасады, звязаныя з выкананнем арганізацыйна-распарадчых, адміністрацыйна-гаспадарчых абавязкаў і здзяйсненнем юрыдычна значных дзеянняў, на 5 гадоў.
Іншым службовым асобам прадпрыемстваў суд даў ад 7 да 12 гадоў калоніі са штрафам ад 1000 (37 тыс. рублёў) да 2000 (74 тыс. рублёў) базавых велічынь з пазбаўленнем права займаць пасады на тэрмін 5 гадоў.
Маёмасць абвінавачаных, на якую раней быў накладзены арышт, пакінута пад арыштам у кошт забеспячэння выканання прысуду.
***
У лістападзе 2021 года МУС паведаміла аб выкрыцці «маштабнай злачыннай дзейнасці топ-менеджараў цяжкай прамысловасці». Сямёра фігурантаў з Мінскага трактарнага завода і БЕЛАЗа былі затрыманыя з доказамі злачынства. Канфіскавана каля 100 тысяч даляраў.
«Задакументаваныя шматлікія факты атрымання хабараў, якія перадаваліся ў выглядзе наяўных і нерухомасці за перамогу ў тэндэрах на пастаўку дарагога абсталявання, своечасовую аплату тавару. Для канспірацыі хабару маскіраваліся пад фіктыўныя дамовы пазыкі і куплі-продажу нерухомасці», — гаварылася ў паведамленні МУС.
Суд цягнуўся з 13 чэрвеня 2023 года.
Цяпер чытаюць
Ціханоўскі на мітынгу ў Варшаве: Я зламаю гэты рэжым ВІДЭА4
Каментары