«Ja biełarus, my zaŭsiody razmaŭlali pa-rusku». Arciom Mileŭski parazvažaŭ pra ŭkrainskuju movu i złaviŭ chiejt
Były futbalist zbornaj Ukrainy, jaki naradziŭsia ŭ Minsku, paśla reabilitacyi ŭ balnicy pastupova viartajecca ŭ publičnuju prastoru. Pierad Novym hodam jon vyrašyŭ pravieści dabračynny strym, častku danataŭ ź jakoha paabiacaŭ pieravieści na pratezavańnie vajskoŭcaŭ.
Padčas tranślacyi Mileŭskamu prylatali roznyja pytańni. Naprykład, čamu jon nie razmaŭlaje pa-ŭkrainsku.
«U nas nie było ŭkrainskaj škoły, my zaŭsiody treniravalisia, nie było času vučyć movu. Tym bolš usie razmaŭlali pa-rusku», — cytuje byłoha spartoŭca ŭkrainskaja «Trybuna».
Paśla jon pasprabavaŭ raźvić svaju dumku, zhadaŭšy i svajo pachodžańnie.
«Nie liču, što heta tak važna ciapier — razmaŭlać na ŭkrainskaj movie. Treba mieć svaju niejkuju pazicyju. I šmatlikija vajskoŭcy, jakija vajujuć, — jany mnohija havorać pa-rusku. Nijakaj prablemy ŭ hetym ja nia baču. I ŭvohule ja — biełarus, my razmaŭlali zaŭsiody na ruskaj. Tamu nie liču, što heta asabliva važna», — zajaviŭ Mileŭski.
Bolšaść kamientaroŭ pad artykułam — heta krytyka i abrazy. Jak Mileŭskaha, tak i biełarusaŭ, jakija nie chočuć havaryć na svajoj movie.
Taksama jaho spytali pra stan i ciapierašnija adnosiny da ałkaholu. Futbalist adkazaŭ, što ciapier u jaho baru niama, tolki čaj i vadzička.
«Jamu pastupali prapanovy z «Livierpula», Partuhalii». Jak Mileŭski zmarnavaŭ svaju karjeru
Ukrainska-biełaruski futbalist Arciom Mileŭski, stan jakoha chvalavaŭ zaŭziataraŭ, apublikavaŭ svaje novyja foty
«Nabraŭ 10-12 kh, apuch, zapłyŭ». Były futbalist Arciom Mileŭski paśla pačatku vajny ŭpaŭ u depresiju
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary