Незалежная беларуская кінапрэмія «Чырвоны верас» апублікавала шорт-ліст
Беларуская прэмія кінакрытыкаў «Чырвоны верас» абвясціла кароткі спіс намінантаў другога сезона кінапрэміі. Кароткім спісам намінантаў каманда конкурсу падзялілася ў сацсетках.
У шорт-лісты ўвайшлі па тры работы ў 13-ці намінацыях.
Найлепшы дакументальны поўнаметражны фільм
- «Мара» Сашы Кулак;
- «Мы не ведалі адно аднаго да гэтага лета» Вольгі Абрамчык;
- «Смеласць» Аляксея Палуяна.
Найлепшы дакументальны кароткаметражны фільм
- «Дзённік Анастасіі» Максіма Буйніцкага;
- «Маладосць па-беларуску» Ксеніі Галубовіч;
- «Метадычка» Паўла Мажара.
Найлепшы ігравы поўнаметражны фільм
- A Kid’s Flick Мікіты Лаўрэцкага;
- «Лета 1989» Уладзіміра Казлова;
- «Спатканне ў Мінску» Мікіты Лаўрэцкага.
Найлепшы ігравы кароткаметражны фільм
- «Ператрымка» Андрэя Кашперскага;
- «Смеццевая галава» Юрыя Сямашкі;
- «У жывым эфіры» Мары Тамковіч.
Найлепшы анімацыйны фільм
- «Вячэра з індыком» Глеба Куфцерына;
- The Primitives Генадзя Буто;
- Shirey Mara Наты Карнеевай.
Найлепшы рэжысёр
- Ананімная рэжысёрка;
- Саша Кулак за фільм «Мара»;
- Мікіта Лаўрэцкі за фільм «Спатканне ў Мінску».
Найлепшы акцёр
- Мікіта Лаўрэцкі за ролі ў сваіх фільмах;
- Андрэй Новік за ролю ў фільме «Ператрымка»;
- Ананімны акцёр.
Найлепшая актрыса
- Лянка Грыў за ролю ў фільме Soyka;
- Аляксандра Вайцэховіч за ролю ў фільме «У жывым эфіры»;
- Вольга Кавалёва за ролі ў фільмах «Спатканне ў Мінску» і A Kidʼs Flick.
Найлепшая праца аператара
- Таццяна Гаўрыльчык і Есэ Мазух за фільм «Смеласць»;
- Юлія Шатун за фільм «Спатканне ў Мінску»;
- Саша Кулак за фільм «Мара».
Найлепшы сцэнарый
- Уладзімір Казлоў за фільм «Лета 1989»;
- Андрэй Кашперскі і Міхаіл Зуй за фільм «Ператрымка»;
- Мара Тамковіч за фільм «У жывым эфіры».
Найлепшае мастацкае рашэнне (праца мастака-пастаноўшчыка)
- Юрый Сямашка за фільм «Смеццевая галава»;
- Dymna Vyderka за фільм «Мара»;
- Valentina Caniglia за фільм Soyka.
Найлепшы саўнд-дызайн (праца кампазітара і (ці) гукарэжысёра)
- Вольга Падгайская і ананімны саўнд-дызайнер за фільм «Галасы. Дзе мой край»;
- Юрый Сямашка за фільм «Смеццевая галава»;
- Генадзь Буто за фільм Too Big Drawing.
Адкрыццё года
- Ананімная рэжысёрка;
- Павел Мажар;
- Юрый Сямашка.
Імёны пераможцаў назавуць у лютым.
У склад аргкамітэта ўвайшлі 16 кінакрытыкаў, кінажурналістаў і кінадаследчыкаў, якія ацанілі 70 фільмаў 2021 і 2022 гадоў. Гэта ігравыя, дакументальныя і анімацыйныя карціны, як кароткаметражныя, так і паўнаметражныя, створаныя беларусамі. Некаторыя стужкі бралі ўдзел у кінапрэміі ананімна.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве3
Каментары