Асноўная мэта — забеспячэнне бяспекі грамадзян Беларусі, перасячэнне парушэння дзяржмяжы, выключэнне каналаў пастаўкі зброі і боепрыпасаў. Пад аховай важныя аб'екты, у тым ліку дарогі і пуцеправоды, паведамляе Мінабароны ў сваім тэлеграм-канале.
Комплекс мерапрыемстваў, накіраваных на супрацьдзеянне магчымым пагрозам, праводзіцца на ўчастках па перыметры паўднёвай часткі краіны. На гэтым напрамку задзейнічаны асабовы склад сіл спецыяльных аперацый Узброеных Сіл. Асаблівую ўвагу асабовы склад удзяляе рабоце на кантрольна-прапускных пунктах.
«Падраздзяленні Узброеных сіл, якія знаходзяцца на ўзмацненні ўчасткаў дзяржаўнай граніцы Рэспублікі Беларусь, нікому не пагражаюць, але пры гэтым надзейна абараняюць Радзіму, яе суверэнітэт, тэрытарыяльную цэласнасць. Мясцовае насельніцтва ведае абстаноўку на сумежнай тэрыторыі і разумее, што беларускія вайскоўцы гарантуюць бяспеку краіны», — гаворыцца ў паведамленні.
Цяпер чытаюць
Дэмакраты адбіраюць у рэспубліканцаў Сенат і Палату прадстаўнікоў у ЗША
Каментары