Маму былой палітзняволенай Вольгі Такарчук затрымалі па крымінальнай справе, сама Такарчук з татам выехалі
Былая палітзняволеная Вольга Такарчук расказала «Вясне» пра тое, як затрымлівалі яе маці, 63-гадовую пенсіянерку Ірыну Генадзьеўну Такарчук, падчас масавага рэйду сілавікоў на сваякоў палітвязняў 23 студзеня.
«У 7.30 раніцы да мяне ў кватэру прыйшлі два кэгэбэшнікі ў грамадзянскай форме адзення,— кажа Вольга Такарчук. — Быў павярхоўны ператрус, самі яны былі культурнымі і ветлівымі, нават разуліся. Забралі мой тэлефон, паклікалі панятых, склалі пратакол. Дзеці (дачцэ — 6 гадоў, сыну —10) напалохаліся».
Вольгу Такарчук забралі на допыт у КДБ, дзе пыталіся пра е-дастаўку.
«На пытанне: «Вы нешта ведаеце?» я сказала: «Не ў курсе, я блогер, у мяне ёсць падпісчыца, яна вырашыла дапамагчы — вось дапамагала. Нічога больш я не ведаю». Паглядзелі тэлефон, выпісалі дастаўкі, якія былі ў мяне. Бліжэй да абеду сказалі: «Мы зараз паедзем да мамы».
Дазволілі ёй патэлефанаваць па гучнай сувязі, сказаць, што да яе едуць. І яны прыехалі да яе ўжо цалкам падрыхтаваныя. Задавалі канкрэтныя пытанні, папрасілі напісаць яўку з павіннай. Маму забралі ў КДБ, я таксама яшчэ была там. Мяне папярэдзілі, што прывезлі маму.
Мне таксама прапанавалі напісаць яўку з павіннай, я кажу: «У чым мне вінаваціцца? Што мне падпісчык дапамагаў каўбасой?» Яны: «Напішы чыстасардэчнае прызнанне, што ты раскайваешся і больш не будзеш браць каўбасу ў падпісчыка».
У мяне забралі тэлефон з сім-картай і дзесьці а палове дзявятай вечара адпусцілі. Мама засталася там. Потым ужо сказалі, што мама затрыманая. Маму каталі з Акрэсціна ў СІЗА належныя тры дні. Нам удалося перадаць ёй нейкія рэчы».
На наступны дзень следчы патэлефанаваў тату Вольгі Такарчук і сказаў прыехаць у якасці сведкі па справе яго жонкі Ірыны Такарчук. Бацька Вольгі адмовіўся ад дачы ўсіх паказанняў. У яго забралі тэлефон.
«На трэці дзень мамінага арышту і мяне выклікалі сведкам па маме. Я таксама адмовілася ад дачы паказанняў. Спыталася: «Дзе мой тэлефон?» Сказалі, што яшчэ ў следчага», — расказвае Вольга.
У гэты ж дзень мы даведаліся, што на маму распачалі крымінальную справу. Няма гарантыі, што і на мяне з бацькам не завядуць крымінальных спраў».
За суткі было прынята рашэнне адносна выезду: Вольга Такарчук з дзецьмі і бацькам цяпер у бяспецы.
«У мяне ў Беларусі засталася адна сястра, а на ёй — бабуля з інваліднасцю (татава мама) і мама, якая на дадзены момант у турме Жодзіна.
Калі я яшчэ пасля свайго вызвалення ўсё ж такі маральна рыхтавалася да таго, што, можа быць, трэба будзе бегчы (і тое, у выніку, я аказалася маральна не гатовая), то для таты свет паваліўся раптоўна. Ён пакінуў усё: кватэру, машыну, сабаку, сваю маму, сяброў і, галоўнае, сваю жонку, якая ў турме «за каўбасу і макароны». Цяпер ён у такім стане, што складана перадаць».
На сённяшні дзень Ірыне Такарчук выставілі абвінавачванне па частцы 2 артыкула 361-4 Крымінальнага кодэкса («Садзейнічанне экстрэмісцкай дзейнасці»).
«Мама заўсёды рабіла так, каб я не знікала з парадку дня і была на слыху ў людзей [падчас майго зняволення], і мне вельмі важна, каб людзі ведалі і пра яе. Яна — наш герой!!! Чалавек, які ўсё жыццё жыў і рабіў па сумленні! Мы ёй вельмі ганарымся і бясконца яе любім!», — кажа Вольга Такарчук.
Чытайце таксама:
Былому палітвязню Аляксею Раманаву, які адбыў 15 сутак, суд даў чарговыя
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»41
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Можете с этим не соглашаться, как это стало правилои на хартере с соответствующими выводами, но на сегодня в этом государстве это ФАКТ.
Признаются только тихие, не заметные, примитивные, члены всевозможных белрусколхоз