У сталічным доме абмежавалі доступ да кантэйнернай пляцоўкі. Чаму?
Незвычайны спосаб абмежаваць доступ да месца збору камунальных адходаў укаранілі ў таварыстве ўласнікаў жылога дома № 90 на праспекце Дзяржынскага.
Цяпер, каб выкінуць смецце, жыхарам дастаткова падысці да відэапанэлі, якая распазнае «сваіх» і адчыняе электразамок, пішуць Мінск-Навіны.
Як распавяла старшыня таварыства ўласнікаў Кацярына Жураўлевіч, ідэя абмежаваць доступ да кантэйнернай пляцоўкі ўзнікла з-за таго, што цікавасць да месца збору адкідаў праяўлялі жыхары суседніх дамоў, арганізацыі, якія прывозілі будаўнічае смецце. Не выпускалі выпадку пакорпацца ў баках і бамжы. Разрывалі пакеты ў пошуках чаго-небудзь карыснага для сябе і раскідвалі ўсё вакол, што стварала непрыемны выгляд і пах.
— Гэты беспарадак надакучыў жыхарам, і мы вырашылі закрыць пляцоўку ад старонніх асоб, — тлумачыць К.Жураўлевіч.
Ставіць кодавы замок здалося не самым надзейным рашэннем, бо з часам камбінацыю лічбаў могуць даведацца ўсе, каму яна цікавая. У таварыстве ўласнікаў раней паставілі IP-дамафон для ўваходу ў пад'езды дома і нават у тамбуры на паверхах. Ён прадугледжвае распазнаванне твараў, таму вырашылі ўкараніць яго і на кантэйнернай пляцоўцы, увязаўшы з агульнадамавой сістэмай.
Для таго, каб сістэма распазнала жыхара, яго фатаграфія павінна быць загружана ў сістэму IP-дамафоніі. Гэты від інфармацыі трапляе пад дзеянне закона «аб абароне персанальных звестак». Тыя, хто пагадзіўся, напісалі адпаведныя заявы і падалі фота. Зрэшты, ёсць і другі спосаб доступу — з дапамогай чыпаў. Кожны настроены персанальна: сваім чыпам можна адкрыць толькі свае пад'езд і тамбур, а таксама кантэйнерную пляцоўку. Чыпы выдалі і адпаведным арганізацыям.
Рыбакі на выходных цэлым натоўпам акупавалі невялікую рачулку пад Гроднам. Лавілася добра, але шмат і насвінячылі
У Барысаве легкавік замінаў вывазу смецця. Камунальнік вырашыў адпомсціць позна ноччу
«Нашы горы пачалі смярдзець». Альпіністаў, якія лазяць на Эверэст, абавязалі прыбіраць за сабой фекаліі
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары